Rama për Ben Ahmetajn: “Nëse dalin të vërteta, nuk e ndihmoj dot…

Kryeministri Edi Rama ka folur për herë të parë për akuzat ndaj ish-zv/kryeministrit Arben Ahmetaj. Rama deklaroi se PS nuk është studio avokatie për askënd. Ndalur te Ahmetaj ai theksoi se ka qenë bashkëpunëtor i tij por nëse akuzat ndaj tij rezultojnë të vërteta atëherë nuk e ndihmon dot.

“PS nuk është studio avokatie. Ahmetaj ka qenë bashkëpunëtori im. Kam punuar me të për një periudhë kohe të gjatë. Këto gjëra që dalin në qofshin të vërteta gjë që do ta thotë prokuroria, më vjen shumë keq por nuk e ndihmoj dot”.

Kryeministri ka përgjegjësi morale kur gjykata çon në arrest shtëpie drejtorin e tatimeve dhe kryeministri thotë që prezumimi i pafajësisë është i shenjtë. Ai do vazhdojë të drejtojë tatimet nga shtëpia. Kryeministri nuk mban përgjegjësi nëse ministri del nga shinat ose çmendet pas shpinës së tij por kur gjëja merr formën e një akuze. Kjo është përgjegjësia morale. Jetojmë në një kohë kur përgjegjësia morale është përgjegjësi politike dhe personale ndaj opinionit publik për qëllimet e shpallura. Kush shkel ligjin përgjigjet para ligjit”, deklaroi Rama.

Leave a Reply

This site uses Akismet to reduce spam. Learn how your comment data is processed.