Korçë/ Sërish i njëjti dekor në Pazarin e Vjetër, qytetarët: Copy-paste nga vitet e kaluara!

Edhe këtë vit, Pazari i Vjetër në Korçë është zbukuruar me të njëjtin dekor festiv, duke rikthyer edhe një herë diskutimet mes qytetarëve për mungesën e risive në dekorimin e qytetit.

Vit pas viti, me afrimin e festave të fundvitit, një pjesë e qytetarëve shprehen se dekori mbetet thuajse i njëjtë, pa ndryshime të dukshme dhe pa elementë të rinj që t’i japin qytetit një pamje ndryshe.

Edhe këtë herë, në Pazarin e Vjetër është vendosur i njëjti dekor, duke krijuar përshtypjen e një skenari të përsëritur nga viti në vit.

Ndërsa Korça njihet për atmosferën festive dhe zbukurimet e saj, qytetarët duket se presin më shumë kreativitet, ide të reja dhe surpriza në dekorimin e hapësirave publike.

Për shumë prej tyre, festat janë të njëjtat, por dekori nuk ka pse të jetë gjithmonë copy-paste!

Leave a Reply

This site uses Akismet to reduce spam. Learn how your comment data is processed.