Tentoi të kalonte me pasaportë false/ Arrestohet 49 vjeçari nga Pogradeci në Qafë Thanë

Shërbimet e Stacionit të Policisë Kufitare Qafë Thanë kanë ndaluar shtetasin T. K., pasi nga verifikimet e kryera ka rezultuar se ka kaluar në mënyrë të paligjshme kufirin e gjelbër dhe më pas, në sportelin e doganës së Maqedonisë së Veriut, ka paraqitur një pasaportë të falsifikuar.

Në përfundim të veprimeve, specialistët për Hetimin e Krimeve të Komisariatit të Policisë Pogradec arrestuan në flagrancë shtetasin T. K., 49 vjeç, banues në Pogradec. Materialet i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme, për veprat penale “Kalimi i paligjshëm i kufirit shtetëror” dhe “Falsifikimi i letërnjoftimeve, i pasaportave ose i vizave”.

Leave a Reply

This site uses Akismet to reduce spam. Learn how your comment data is processed.