Dyshonte se e tradhtonte/ Shqiptari plagos gruan, vret vajzën e tij 16-vjeçare dhe italianin…

Kjo është fotografia e familjes Malaj. Vajza e mitur, Jessica Malaj shfaqet pranë 2 prindërve të saj që u përfshinë në një konflikt për shkaqe xhelozie dhe në tentativë për t’i ndarë, mbeti e vdekur. 16-vjeçarja u qëllua me thikë nga babai i saj 45-vjeçar, Taulant, i cili donte të lëndonte gruan e tij Tefta pasi kishte dyshime se e tradhtonte me italianin. Për pasojë mbetën të vdekur vajza dhe italiani ndërsa gruaja u plagos.

Ansa.it shkruan se shqiptari dyshonte prej kohësh se gruaja e tij e tradhtonte. Rreth orës 02:00, 45-vjeçari shqiptar që punonte si bukëpjekës po kthehej në banesë, në Torremaggiore, në zonën e Foggia, por në shkallë hasi italianin me të cilin dyshonte se e tradhëtonte gruaja, Massimo De Santis, 51 vjeç.

16-vjeçarja është futur mes prindërve për të mbrojtur të ëmën ndersa 45-vjeçari e ka qëlluar me thikë …. Menjëherë në vendin e ngjarjes ka shkuar policia dhe ambulanca pasi fqinjët i lajmëruan si pasojë e të bërtiturave që dëgjuan. Për De Santis ishte shumë vonë ndërhyrja, ndërsa vajza 16-vjeçare ishte akoma gjallë. Ajo u nis drejt spitalit, por ndërroi jetë rrugës. 

Ndërsa gruaja e shqiptarit ndodhet në spital e plagosur. Policia thotë se ka sekuestruar armën e krimit, një thikë kuzhine…

Leave a Reply

This site uses Akismet to reduce spam. Learn how your comment data is processed.