Aksident i rëndë pranë TEG-ut, vdes shoqëruesi i ambasadorit rus në Tiranë(Video)

Një aksident i rëndë ka ndodhur pak pas mesnate në Tiranë. Mësohet se makina e përfshirë në aksident, model “Hyundai Tucson” me targa “CD”, është përplasur në rrugën Sauk-Teg. Për pasojë ka ndërruar jetë 36-vjeçari Sergei Mironov, shoqëruesi i ambasadorit rus në Tiranë, Mihail Afanasiev, ndërsa mbeti i plagosur drejtuesi i automjetit shtetasi A. K., 30 vjeç, i cili ndodhet në spital, nën kujdesin e mjekëve

Mjeti me targa diplomatike mësohet se fillimisht është përplasur me barrierat anësore dhe për shkak të shpejtësisë së madhe është spostuar disa herë e më pas është përplasur me trafik ndarësen dhe është përmbysur në rrugë. Si pasojë e aksidentit, mjeti është shkatërruar totalisht. Llogaritet qe makina ka qenë me një shpejtësi rreth 180 km/h.

Gjithashtu hetuesit raportojnë se automjeti me targa diplomatike ka shkelur disa herë rregullat e qakurllimit rrugor dhe është shpallur me Alert. Lidhur me këto shkelje të rregullave të qarkullimit rrugor ishte vendosur në dijeni edhe Ambasada e Rusisë në Tiranë. Grupi hetimor po punon për sqarimin e rrethanave të aksidentit.

Leave a Reply

This site uses Akismet to reduce spam. Learn how your comment data is processed.