Për ju që mund ta keni humbur këto muajt e fundit dhe patë titullin me habi, duke pyetur veten se “që kur Dua Lipa ka një partner?”, artistja shqiptare është në një lidhje tashmë prej disa kohësh me regjizorin greko-francez Romain Gavras. Ata e konfirmuan historinë e dashurisë vetëm disa javë më parë, gjatë Festivalit të Filmit në Kanë, ku u shfaqën së bashku dhe që nga ajo kohë,
ndajnë edhe momentet që kalojnë me njëri-tjetrin në rrjetet sociale, edhe pse në ndryshim nga romancat e kaluara, këngëtarja ka vendosur që këtë herë të jetë disi më diskrete e private.
Megjithatë, sot është një ditë speciale për regjizorin, i cili feston ditëlindjen (dhe meqë ra fjala mbush 42 vjec) dhe Dua ka vendosur sigurisht ta urojë në Instagram-in e saj. Artistja shqiptare ka zgjedhur që të publikojë një foto të tyre, të pandarë më parë, ku shfaqen të përqafuar me njëri-tjetrin dhe bashkangjitur me të shkruan thjeshtë, pastër dhe bukur:
“joyeux anniversaireeeee bébé”, që sic mund ta merrni me mend do të thotë: “Gëzuar ditëlindjen zemër”
joyeux anniversaireeeee bébé 💞 pic.twitter.com/yuduZoQriZ
— DUA LIPA (@DUALIPA) July 4, 2023
