Punonin në sistemin elektrik të automobilave/ 8 punëtorë shfaqin probleme shëndetësore…

Mbrëmjen e sotme një ngjarje e rëndë është regjistruar në Fier, në një kompani të huaj. Konkretisht, bëhet fjalë për kompaninë koreane “YURA”. Në ambientet e saj kanë shkuar forca policie dhe 3 autoambulanca. Ku dyshohet se punonjësit janë asfiksuar gjatë procesit të punës që kryhen brenda saj.

Fier/Informacion paraprak

Rreth orës 20:30, disa punonjëse të një kompanie për prodhimin e sistemit elektrik dhe të pjesëve automobilistike, kanë shfaqur probleme shëndetësore dhe kanë kërkuar ndihmë mjekësore.

7 prej tyre kanë marrë ndihmën e parë në ambientet e kompanisë, dhe janë larguar në banesë, ndërsa njëra prej tyre vijon të marrë ndihmën mjekësore në spital, ku ndodhet jashtë rrezikut për jetën. Grupi hetimor po punon për përcaktimin e shkakut dhe dokumentimin e plotë ligjor të ngjarjes.

Leave a Reply

This site uses Akismet to reduce spam. Learn how your comment data is processed.