Moderatorja Luana Vjollca ka shprehur publikisht mbështetjen e saj për studentët që prej rreth një jave po protestojnë në Tiranë dhe qytete të tjera të vendit.
Përmes një reagimi në rrjetet sociale, Luana ka dënuar dhunën ndaj të rinjve, duke e cilësuar atë të papranueshme dhe duke kërkuar që ajo të marrë fund.
Qëndrimi i Luanës vjen në një moment kur reagimet publike në mbështetje të protestuesve janë shtuar, me personazhe të njohur të ekranit dhe të artit që po shprehin qëndrimet e tyre për zhvillimet në vend.
Duke vënë theksin te dhuna ndaj të rinjve, moderatorja i bashkohet zërave që kërkojnë që e drejta për të protestuar të respektohet dhe që situata të mos përshkallëzohet më tej.

