Koronavirusi infekton 5.883 persona në Itali, i merr jetën 233 të tjerëve

Ka shkuar në 5061 numri i personave të infektuar nga koronavirusi në Itali, ku vetëm sot janë regjistruar 1145 raste të reja më shumë se sa dje.

233 persona kanë humbur jetën, ku 36 viktima vetëm sot, ndërsa virusin vdekjeprurës kanë arritur ta mposhtin 589 persona.

Presidenti i Institutit Superior të Shëndetit, Silvio Brusaferro, tha se mosha mesatare e viktimave është mbi 81-vjeç, kryesisht meshkuj, bartës të patologjive të shumëfishta.

Nga ana tjetër, 1,843 njerëz janë në izolim në shtëpi. 

Ndër të prekurit është edhe sekretari i Përgjithshëm i Partisë Demokratike, Nicola Zingaretti ka rezultuar pozitiv ndaj testeve të koronavirusit.

Vendi tani raporton shifrën më të lartë të viktimave jashtë Kinës, ku virusi u shfaq në dhjetor. Instituti kombëtar i shëndetit tha se mosha mesatare e viktimave ishte 81, dhe shumica e tyre, vuanin nga probleme të tjera shëndetësore.

Të gjitha eventet sportive, përfshirë futbollin, do të luhen me dyer të mbyllura për një muaj. Ajo që po shqetëson banorët ndërkohë është se ceremonitë funerale për viktimat e koronavirusit nuk po lejohen për shkak të nevojës për të kufizuar tubimet e njerëzve.

Leave a Reply

This site uses Akismet to reduce spam. Learn how your comment data is processed.