OBSH ka njoftuar se ndalimi i udhëtimeve ndërkombëtare nuk mund të zgjasë përgjithmonë dhe vendet duhet të bëjnë më shumë për të zvogëluar përhapjen e koronavirusit brenda kufijve të tyre.Rritja e infeksioneve ka bërë që shumë vende të rimarrin disa vendime për kufizimet e udhëtimeve. Vetëm me implementimin e masave të rrepta shëndetësore e deri tek shmangia e turmave, bota do të arrinte të kapërcejë pandeminë, tha kreu i OBSH-së, Tedros Adhanom Ghebreyesus.
“Aty ku ndiqen masat, aty edhe do të ketë rënie të rasteve, ndërsa në vendet ku nuk zbatohen rregullat, rastet mund të pësojnë rritje”, tha ai, ndërsa vlerësoi Kanadanë, Gjermaninë dhe Korenë e Jugut për menaxhimin e shpë rthimeve.
Ndërkaq, kreu i Programit të Emergjencave në OBSH, Mike Ryan, tha se vendimi për kufizimin e udhëtimeve nuk është i qëndrueshëm.
“Do të jetë pothuajse e pamundur që vendet t’i mbajnë kufijtë e mbyllur deri në një kohë të pacaktuar. Ekonomia duhet të hapet, njerëzit duhet të punojnë, tregtia duhet të rifillojë”, theksoi Ryan.
Të fiksuarit pas iPhonëve të mos mërziten, pasi kompania Apple ka konfirmuar se nuk do të ketë lancim të iPhone të ri në shtator të këtij viti, duke e shtyrë për një moment tjetër.Drejtori i Financës në Apple, Luca Maestri ka thënë për mediat:”Vitin e kaluar kemi nisur shitjet e modelit të ri iPhone në fund të muajit Shtator, këtë vit presim që të shtyhet më vonë” .
Nuk dihen arsyet e shtryjes, nëse ka ndikuar pandemia e koronavirusit, por thashethemet që nuk do lancohej telefoni i ri në shtator qarkulluan edhe më parë.
Mediat shkruajnë se mund të ketë ndikuar edhe shtyrja e lancimit të rrjetit 5G në shumë vende të botës.
Një afat kohor i ngjashëm u zbulua nga Palkhiwala në një intervistë për Reuters. Ekzekutivi të mërkurën aludoi në një lançim të mundshëm në tetor për një iPhone me aftësi 5G.
Qualcomm do të sigurojë chipsets baseband për 5G iPhone, si pjesë e një marrëveshje liçencimi modem dhe zgjidhje që përfundoi një betejë ligjore në të gjithë botën me Apple. Pajisjet me energji Qualcomm do të jenë prezantimi i parë i gjigantit të teknologjisë Cupertino në arenën 5G.
Thashethemet e sotme ndjekin parashikimet nga leaker “iHacktu Pro”, i cili javën e kaluar pretendoi se Apple planifikon të zhvillojë ngjarjen e saj vjetore të iPhone në shtator.
Së bashku me modelet e reja të iPhone dhe “Apple Watch Series 6”, ngjarja përflitet të sjellë një fjalë të një iPad të rifreskuar dhe të ringjallur pajisjen e karikimit pa tel AirPower. Rrëmbyesi parashikon që Apple të zhvillojë një mbledhje tjetër në Tetor për të njoftuar silikonin e parë Apple, Mac Pro, një iPad Pro të rishikuar dhe “Apple Glass”.
Qeveria greke ka vendosur shtyrjen e memorandumit për bllokimin e kufirit me Shqipërinë, Maqedoninë e Veriut dhe Turqinë deri në datën 14 gusht. Sipas qeverisë greke deri në datën 14 do të lejohet kalimi vetëm për kategoritë që lejoheshin më parë, pra personat që kanë leje qëndrimi, shtetasit grekë dhe anëtarët e familjeve të tyre.
Njoftim mbi lëvizjen nëpërmjet Pikave të Kalimit Kufitar me Greqinë:
Policia e Shtetit sqaron qytetarët se sipas njoftimit zyrtar të bërë nga autoritetet policore greke, në zbatim të vendimit të qeverisë greke, kufiri tokësor me Greqinë do të jetë i hapur vetëm nga Pikat e Kalimit Kufirit Kakavijë dhe Kapshticë.Shtetasit shqiptarë e të huaj me leje qëndrimi greke, shtetasit grekë dhe minoritarët që dëshirojnë të udhëtojnë drejt Greqisë duhet që brenda 48 orëve para udhëtimit të plotësojnë online formularin PFL (Passenger Locator Form) në adresën zyrtare në linkun: https://travel.gov.gr/#/
Pas plotësimit të formularit online, secili qytetar do të marrë ne e-mail një konfirmim me një barcode, të cilin do ta paraqesë para autoriteteve në pikën hyrëse të kalimit në Greqi.Në rast se një qytetar nuk disponon konfirmimin me barcode, nuk do të lejohet të kalojë kufirin Qytetarët e vendeve të BE-së apo të vendeve të treta nuk lejohen të kalojnë kufirin.
Testimi për COVID-19 do të kryhet me përzgjedhje algoritmike dhe shtetasit që do t’i nënshtrohen testimit do të izolohen në adresën e deklaruar prej tyre deri në daljen e rezultatit. Në rast se qytetari rezulton pozitiv me COVID-19 do të karantinohet për 14 ditë në adresën e deklaruar.Lëvizja e automjeteve të transportit të mallrave vazhdon normalisht, si në hyrje edhe në dalje, por edhe shoferët e kamionëve duhet të plotësojnë formularin online. Ndërsa Pikat e Kalimit Kufitar Tre Urat Përmet dhe Qafë Botë Sarandë janë të mbyllura nga pala greke. Në këto pika nuk lejohet as lëvizja e shtetasve dhe as e automjeteve.
Ka shkuar në 5276 numri i personave të prekur nga kovid -19.Ditën e sotme në vendin tonë jane kryer 500 testime për të dyshuar të prekur me COVID19, nga të cilat janë konfirmuar 79 raste pozitive.Te shperndara:56 raste në Tiranë, nga 6 raste në Shkodër, Krujë, nga 3 raste Fier, Lushnje, nga 1 rast në Elbasan, Kavajë, Vlorë, Kamëz, Divjakë.Në vendin tonë janë 2167 pacientë aktive dhe pjesa më e madhe po ndiqet nga mjeku i familjes.Juglindja e vendit tashmë ka 60 persona pozitiv me Covid-19 ndersa sot nuk ka pasur raste te reja ne Qarkun Korçe .Gjatë 24 orëve të fundit në vend janë regjistruar 2 viktima.Ndërkohë që në 24 orë janë shëruar 69 pacientë.
Dr.Mirela Caminga Instituti i Shëndetit Publik dha detajet :
Ministria e Shëndetësisë dhe Mbrojtjes Sociale ju informon rreth situatës së COVID19 në Shqipëri në 24 orët e fundit. Kanë vijuar testimet për personat e dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.Ministria e Shëndetësisë dhe Mbrojtjes Sociale ju rikujton të përdorni maskën kudo në ambientet e mbyllura dhe në çdo ambient publik ku nuk mund të ruani distancën.
Fatkeqësisht, nuk e kanë fituar dot betejën me sëmundjen në dy spitalet Covid, një 56 vjeçar dhe një 76 vjeçar nga Tirana me disa bashkëshoqëruese dhe një 90 vjeçar nga Elbasani. Ministria e Shëndetësisë dhe Mbrojtjes Sociale i shpreh ngushëllimet familjarëve.Aktualisht në spitalin Infektiv dhe spitalin “Shefqet Ndroqi” po trajtohen 115 pacientë, 16 janë në terapi intensive, 5 prej të cilëve pacientë të intubuar.Në 24 orët e fundit, janë kryer 500 testime për të dyshuar të prekur me COVID19, nga të cilat janë konfirmuar 79 raste pozitive.
Shpërndarja gjeografike e rasteve është si vijon: 56 raste në Tiranë, nga 6 raste në Shkodër, Krujë, nga 3 raste Fier, Lushnje, nga 1 rast në Elbasan, Kavajë, Vlorë, Kamëz, Divjakë.Gjatë 24 orëve të fundit janë shëruar 69 qytetarë, duke e çuar numrin e të shëruarve në 2952, që nga fillimi i epidemisë. Ministria e Shëndetësisë dhe Mbrojtjes Sociale i rekomandon çdo qytetari të tregojë kujdes për respektimin e rregullave: Ruani distancën nga të tjerët të paktën 1.5 metër; Mbani maskë në ambiente të mbyllura dhe kudo ku nuk mund të ruani distancën. Ruani higjienën personale dhe kolektive.
Nëse keni shenja të sëmundjes izolohuni dhe telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.
COVID-19 – Statistika (31 Korrik 2020) Testime totale 41199 Raste pozitive 5276 Raste të shëruara 2952 Raste Aktive 2167 Humbje jete 157 (Qarku Tiranë 83, Shkodër 24, Durrës 20, Fier 7, Elbasan 6, Kukës 4, Vlorë 4, Korçë 4, Dibër 2, Lezhë 2, Berat 1)
Bashkimi Europian ka përditësuar sot listën e vendeve për të cilat duhet të hiqen kufizimet e udhëtimit, duke “fshirë” totalisht vendet e Ballkanit Perëndimor.Kufijtë e vendeve anëtare të BE-së do të qendrojnë të mbyllur jo vetëm Shqipëri, por edhe për Malin e Zi dhe Serbinë, të cilat ishin të përfshira fillimisht në këtë listë.
Kriteret për të përcaktuar vendet e tretapër të cilat vendet anëtare hapin kufijtë mbulojnë veçanërisht situatën epidemiologjike dhe masat e kontrollit, përfshirë distancën fizike, si dhe çështjet ekonomike dhe sociale.BE nuk ka hapur kufijtë me Shqipërinë dhe vendet e tjera të Ballkanit Perëndimor, pasi kanë një numër më të madh rastesh të reja me COVID-19 na krahasim me nivelin mesatar europian gjatë 14 ditëve të fundit, i cili është 16 raste për 100 000 banorë.
Kjo listë nuk është një instrument ligjërisht i detyrueshëm, por deri më tani, të gjitha shtetet anëtare fqinjë kanë kufizuar udhëtimet drejt dhe nga Shqipëria.Italia ka vendosur karantinën e detyrueshme për udhëtarët nga Shqipëria.
Por vendimi më i ashpër ka ardhur nga Greqia, e cila do të mbajë edhe për dy javë kufijtë e mbyllur për qytetarët nga vendi ynë. Kështu, deri më 15 gusht në territorin grek nuk do të lejohen të hyjnë turistë nga Shqipëria, Maqedonia e Veriut, Serbia, Turqia, Kosova, etj. Në pikat kufitare me Greqinë lejohen të hyjnë vetëm rezidentët, ndërkohë që pritet të bllokohet totalisht hyrja e punëtorëve sezonalë.
Nga dita e djeshme, kufijtë grekë janë hapur edhe për shtetasit britanikë, charterat me të cilët mbërritën në zonat turistike, duke i dhënë një frymëmarrje turizmit në vend.Një sërë vendesh, si Gjermania, Holanda, Austria dhe Greqia kanë mbyllur kufijtë për qytetarët serbë, për shkak të numrit të lartë të të infektuarve. Gjermania dhe Austria nuk këshillojnë udhëtimin në asnjë prej vendeve të Ballkanit, duke lëshuar një paralajmërim udhëtimi kundrejt rajonit.
Për pasojë, shqiptarët nuk mund të rezervojnë as udhëtime tranzit që kalojnë në një prej vendeve të BE-së sepse nuk lejohen të ulen në aeroporte. Vetëm rezidentët mund të udhëtojnë drejt Italisë dhe Greqisë, por për qytetarët e tjerë kufijtë e vendeve fqinjë janë të mbyllura. Për momentin shqiptarët mund të udhëtojnë pa paraqitur tampon drejt Maqedonisë së Veriut, Kosovës, Malit të Zi dhe Turqisë.
Listës së mëparshme të 14 vendeve të treta, qytetarët e të cilëve kanë të drejtë të udhëtojnë drejt Bashkimit Europian i është shtuar Australia dhe Kina, pasi autoritetet australiane kanë bërë përpjekje të konsiderueshme për menaxhimin e pandemisë së koronavirusit./albeu
E bujshme, Skënderbeu shet në Portugali një nga talentet më premtues që shpërtheu në sezonin e fundit. “Panorama Sport” zbulon ekskluzivisht se mesfushori Agon Elezi është transferuar te klubi i famshëm, Boavista.
Pas negociatave të ditëve të fundit, palët kanë rënë dakord për kalimin e 19-vjeçarit për një shifër të majme, që korçarët nuk preferojnë ta bëjnë publike pa e zyrtarizuar më parë portugezët.
Skënderbeu do të ruajë edhe një përqindje të kartonit të lojtarit, i cili është pjesë e Kombëtares U-21 të Maqedonisë së Veriut.
Një studim i shkencëtarëve rusë ka treguar se uji pothuajse plotësisht mund ta shkatërrojë koronavirusin e ri brenda 72 orëve, transmeton Anadolu Agency. Rezistenca e virusit varet drejtpërdrejt nga temperatura e ujit – 90 për qind e grimcave të virusit vdesin në ujë në temperaturë të dhomës brenda 24 orëve dhe 99,9 për qind brenda 72 orëve, tregoi studimi i Qendrës Shtetërore Kërkimore të Virologjisë dhe Bioteknologjisë VECTOR.
Uji në temperaturën e vlimit vret plotësisht dhe menjëherë virusin Sars-CoV-2, thotë hulumtimi i publikuar nga Shërbimi Federal Rus për Mirëqenie Njerëzore. Virusi mund të jetojë në ujë në kushte të caktuara, por ai nuk shumohet as në det, as në ujë të freskët, tregoi studimi.
Megjithatë, ai mbetet aktiv deri në 48 orë në sipërfaqe çeliku të pandryshkshëm, linoleumi, qelqi, plastike dhe qeramike. Hulumtimi zbuloi se virusi është i paqëndrueshëm dhe shumica e dezinfektuesve shtëpiakë janë efektivë kundër tij.
Ai tregoi se alkoolet etilike dhe izopropile me përqendrim 30 për qind mund të vrasin deri në një milion grimca të virusit në gjysmë minute, duke kundërshtuar studimet e mëparshme që thanë se një përqendrim prej mbi 60 për qind është i nevojshëm për të shkatërruar grimcat. Sipas studimit, dezinfektuesit me klor kanë të njëjtin efektivitet, duke pastruar plotësisht sipërfaqet prej virusit Sars-CoV-2 brenda 30 sekondave.
Ditën e sotme i nxehti afrikan “pushton” pothuajse gjithë vendin. Sipas Meteoalb temperaturat në vendet e ulta dhe ato bregdetare do të shkojnë deri në 41 gradë. Vetëm në ekstremin verior-verilindor, gjatë orëve të pasdites do të ketë grumbullim të vranësirave dhe rrebesh të izoluar shiu.
“Moti i kthjellët në të gjithë territorin shqiptar, përjashtuar ekstremin verior-verilindor, ku gjatë orëve të pasdites do të ketë grumbullim të vranësirave dhe ndonjë rrebesh i izoluar shiu.
Temperaturat e ajrit mbeten të larta në mëngjes dhe mesditë duke luhatur vlerat ditore nga 21°C deri në 41°C.
Era do fryjë mesatare me shpejtësi 40 km/h nga drejtimi Veriperëndimor duke krijuar ne det dallgëzim 3-4 ballë.”, njofton Meteoalb.
Me rastin e festës së Kurban Bajramit, mjeku infeksionist, Tritan Kalo, i është drejtuar me një mesazh të gjithë shqiptarëve kudo që ndodhen.Në postimin e tij në Facebook, Kalo thekson se pavarësisht kushteve jo të zakonshme që imponon koronavirusi, kurrë nuk duhet të harrojmë të urojmë njëri-tjetrin për këtë festë të lumnueme.
Postim i plotë i Tritan Kalos:
KOHË KOVIDIANE…..Miq, të afërm, kolegë, dashamirës e bashkëkombas kudo që frymoni në këto kohë të kësaj “flame mbarëbotërore”….Pavarësisht kushteve jo të zakonëshme që na imponon infeksioni Sars-Cov2/Covid-19, KURRË të mos harojmë të urojmë njëri tjetrin për këtë festë të lumnueme, sepse NE kurdoherë e në çdo rrethanë BAJRAM e PASHKË i kemi festuar e do t’i festojmë bashkërisht….Jemi të gjithë bijë e bija të Trojeve Arbërore….Together forever!!!
Sulmuesi i Juventusit, Paulo Dybala, ka pranuar se Zonja e Vjetër tashmë po mendon për Scudetton e dhjetë radhazi.Bianconerët e fituan titullin e nëntë rresht këtë edicion, ndërsa argjentinasi e ka bërë të qartë se objektivi për sezonin 2020/2021 është titulli i 10 i njëpasnjëshëm.
“Mund të jetë vështirë ta mbash përqendrimin dhe ambicien. Mirëpo, secili triumf është i veçantë. Mendoj se kjo është më e rëndësishmja”.“Mua më pëlqen të fitoj, bashkëlojtarëve të mi u pëlqen të fitojnë dhe klubit i pëlqen të fitojë, dhe kjo dëshira na bën fitimtarë”.
“Mirëpo, në të njëjtën kohë, na ndihmon fakti se i kemi lojtarët më të fortë në botë në secilën rrol. Jemi krenarë me vetveten, të fitosh nëntë tituj radhazi është e mrekullueshme, ndërsa tashmë ne po mendojmë për të dhjetin”, ka deklaruar Dybala për The Guardian.
26-vjeçari ka thënë se Juve fillimisht do të përqendrohet në Ligën e Kampionëve, e cila rifillon më 7 gusht, në përpjekje për ta kërkuar trofeun që i mungon për shumë vite. The Guardian
Pandemia e ka kushtëzuar pothuajse tërësisht mënyrën se si njerëzit, kryesisht të rinjtë, e kalojnë kohën, apo dhe argëtohen këtë verë, sidomos pas ndalimit të muzikës dhe lokaleve të natës në bregdet dhe mbylljes të kinemave e shfaqjeve teatrale.Por, mesatarisht çdo vit, shqiptarët shpenzojnë rreth 3.1% të vlerës së shtuar bruto në vend për argëtim e kulturë, që për vitin 2018, kur janë dhe të dhënat e fundit të INSTAT, i korrespondon një shume prej rreth 360 milionë euro.
Në art, argëtim dhe kulturë përfshihen një sërë aktivitetesh, shfaqjet artistike deri tek aktivitetet e lojërave të fatit dhe basteve, nga aktivitetet në muze dhe biblioteka te palestrat dhe aktivitetet e tjera çlodhës. Deri në fund të vitit 2018 ishte i ligjshëm aktiviteti i basteve dhe lojërave të fatit, që merrte një pjesë të konsiderueshme të këtyre shpenzimeve, por tashmë bizneset e këtij lloji janë mbyllur.INSTAT, në publikimin për prodhimin e brendshëm bruto rajonal të vitit 2018, publikuar së fundmi, ka bërë dhe ndarjen e shpenzimeve për argëtim sipas rajoneve.
Rekordin e mban si gjithmonë kryeqyteti. Qytetarët e Tiranës shpenzojnë 4.8% të parave të tyre për t’u argëtuar, një përqindje që ka mbetur e pandryshuar në raport me vitin e mëparshëm.
Në vend të dytë vijon të mbetet Korça, e cila vitet e fundit është bërë një destinacion i preferuar turistik për shqiptarët dhe për të huajt. Por, në 2018-n, pesha e shpenzimeve për argëtim është ulur nga 2.9% vitin e mëparshëm në 2.6%.
Lezha renditet e treta, me 2.6% të vlerës së shtuar bruto që shkon për argëtim, me rritje të ndjeshme nga 2% vitin e mëparshëm.Tendencë në rritje kanë shënuar dhe Vlora e Shkodra, duke arritur në 2.4% secila.Më pas renditet Durrësi, që ka shënuar rënie, nga 2.4% në 2%.
Por, tkurrja më e madhe ka ndodhur në qytetin e Gjirokastrës, që më parë “konkurronte” me Tiranën për peshën e lartë të shpenzimeve për argëtim. Pas mbylljes së burimeve të paligjshme të parave që vinin nga zonat e Gjirokastrës, qyteti duket se është bërë më “dorështrënguar’ për të derdhur para në shpenzime që nuk janë të domosdoshme.
Kukësi dhe Dibra, që janë dhe qytetet më të varfra në vend, renditen nga fundi i listës.Por, qyteti në Shqipëri, që pothuajse nuk argëtohet fare është Fieri, që është një nga qytetet më të mëdha në vend, pas Tiranës e Durrësit. Banorët e Fierit shpenzojnë më pak se 1% të vlerës së shtuar bruto për të dalë, shkuar në kinema, apo aktivitete të tjera.Në raport me vendet e Bashkimit Europian, ne së bashku me vendet e tjera të rajonit, argëtohemi shumë më pak. Sipas Eurostat, mesatarja e BE shpenzon gati 8.5% të totalit. Peshën më të ulët në rajon e Europë e ka Maqedonia (1.9%), ndërsa në rajon më qejflinjtë janë shtetasit e Kosovës (4.1%).Monitor.
Shumë personazhe të show-bizzit u bënë bashkë në peticionin ndaj kompaninë Apple. Kompania Apple ka fshirë kufirin ndarës të Republikës së Kosovës me Serbinë, në hartën e saj, duke i përfshirë në një shtet të vetëm.Kjo ka ngjallur shumë debat për shqiptarët e Kosovës, të cilët e konsiderojnë të papranueshme këtë. Reagimi i radhës ka ardhur nga aktori mjaft i dashur për publikun shqiptar, Florjan Binaj.
Postimi i Florjan Binaj :
“Nuk është vetëm Apple që nuk e njeh Kosovën, ka shumë aplikacione dhe programe që nuk e njohin siç është rasti i programit Waze(si tipi i google maps) që sapo kalon Kuksin, sips Waze, fillon Serbia… Yahoo.it e njeh më në fund, ndërsa Google i nxjerr hartat sipas interesave te shteteve në varësi nga shteti që lidhesh me internet…
Beteja për njohjen e Kosovës nuk bëhet vetëm nëpër zyra me ministra por edhe me CEO-t e aplikacioneve më të njohura!!!”, shkruan ai.
Kompania menaxhuese e ngritur nga Françesko Toti vazhdon të punojë pa frena dhe të firmosë me disa talente të rëndësishëm në Itali. Goditja e fundit është një shqiptar, Luis Hasa, i cili nga dje do të jetë pjesë e “CT10 Managament”.Fantazisti i datëlindjes 2004 është pjesë e skuadrës U-16 të Juventusit, por së fundmi ka bërë debutimin e tij edhe me U-17, duke realizuar një gol në 4 prezenca. “I japim mirëseardhjen Luis Hasës në ekipin tonë, futbollistit të datëlindjes 2004 të Juventusit.
“Mirëserdhe në bord”, shkruhej në faqen zyrtare të kompanisë së ish-kapiteni të Romës, i cili pozoi së bashku me shqiptarin dhe numrin 10 të ekipit bardhezi U-16.
Për Luis Hasën, i cili ka bërë debutimin e tij edhe me Kombëtaret italiane të moshave, por jo ato shqiptare, ka kohë që flitet në Itali, duke qenë se 16-vjeçari shihet si një ndër talentet me më shumë perspektivë. Media italianë nënvizon për Hasën se është një lojtar që kërkon të bëjë hapa të mëdhenj, por të sigurt, për t’u ngjitur sa më shpejt dhe sa më lart në kategori.
Pas konfirmimit se sezonin e ardhshëm do të kalojë të luajë me ekipin U-17 të Juves, Hasa këtë gjë e ka merituar falë një sezoni që është pak ta quash fantastik, duke qenë se shifrat e tij flasin për 14 prezenca (945 minuta lojë), në të cilat ka shënuar 6 gola me U-16. Dhe jo më kot Toti ka dashur ta bëjë pjesë të kompanisë së tij.
Me shpërthiimin e pandemisë së koronavirusit, vendet në Europë dhe botë mbyllën kufijtë. Por pas heqjes së kufizimeve, disa vendet vendosën ti hapnin, siç është Shqipëria që nuk pengon turistët e huaj të mbërrijnë në Shqipëri.CNN ka postuar një artikull ku tregon se janë shumë pak vende që për amerikanët janë dyert e hapura. Rezulton të jenë vetëm nëntë ku nuk ekziston asnjë rregull për shkak të koronavirusit:
BE u ka mbyllur kufijtë amerikanëve dhe shumë vendeve të tjera, duke përfshirë edhe Shqipërinë.
Megjithatë turistërt amerikanë mund të shkojnë në këto vende në Europë, me rregulla siç mund të jetë karantinimi. Konkretisht ata lejohen në: Ukrainë dhe Britani.
Shqipëria e goditur nga pandemia e koronavirusit edhe ekonomikisht ka nevojë për turistë të huaj.
A do zgjedhin amerikanët të pushojnë në Shqipëri këtë verë? A rrezikojmë me turistët?
