Zgjedhjet e 25 prillit/Nis shpërndarja e materialeve zgjedhore për 8 qarqet e vendit, nesër 4 të tjerat

Komisioni Qendror i Zgjedhjeve ka nisur mëngjesin e sotëm shpërndarjen e materialeve zgjedhore në 8 qarqe, ku përfshihen fletët e votimit, vulat, dhomat e fshehta e votimit, kamerat e sigurisë, posterat informues dhe mjetet për mbrojtjen nga COVID dhe të gjitha mjetet e tjera që duhen për ditën e votimit, të certifikuara nga KQZ.

Ditën e nesërme do të shpërndahen për 4 qarqet e tjera.

Materialet zgjedhore do të shpërndahen në 92 KZAZ-të e vendit nga mjetet e ushtrisë dhe do të ruhen nga ato deri në ditën e votimit më 25 prill. Shpërndarja nisi nga vendgrumbullimi i materialeve zgjedhore në Lundër drejt 8 qarqeve të vendit, ku sot do të çohen për KZAZ-të e Vlorës, Shkodrës, Korçës, Gjirokastrës, Dibrës, Beratit,  Fierit dhe Kukësit. Ndërsa ditën e nesërme do të shpërndahen për 4 qarqe të tjera, atë të Tiranës, Durrësit, Elbasanit dhe Lezhës.

Zgjedhjet e 25 prillit do të monitorohen nga 65 ekipe vëzhgimi nga OSBE/ODIHR dhe 50 ekipe nga BE në të gjithë vendin, të cilat do të shohin nga afër si qendrat e votimit dhe procesin e numërimit në lidhje me mbarëvajtjen e tyre.

Leave a Reply

This site uses Akismet to reduce spam. Learn how your comment data is processed.