Një banesë është përfshirë nga flakët ditën e sotme në Pogradec.Paraprakisht mësohet se zjarri ka rënë në një banesë në lagjen nr. 1, si pasojë janë lënduar dy persona, ku njëri prej tyre ka pësuar djegie të shumta në trup.
Zjarrfikësja dhe ambulanca janë nisur drejt vendngjarjes.Ndërsa ende nuk bëhen me dije shkaqet e rënies s zjarrit.
Njoftimi i policisë:
Më datë 19.05.2021, rreth orës 11:45, në lagjen nr. 1, Pogradec, dyshohet se si pasojë e bombulës të gazit, ka rënë zjarr në banesën private të shtetasve I. B., rreth 40 vjeç dhe M. B., 33 vjeçe.
40-vjeçari, ka shfaqur probleme si pasojë e asfiksisë nga tymi, ndërsa shtetasja M. B., për të ndihmuar këtë të fundit, ka dëmtuar dorën duke thyer një xham të banesës. Të dy shtetasit aktualisht ndodhen në Spitalin e Pogradecit, jashtë rrezikut për jetën. Grupi hetimor po punon për zbardhjen e rrethanave të ngjarjes.

