Tronditet Vlora, vëllai qëllon me armë zjarri motrën e tij

Një ngjarje e rëndë ka ndodhur sot pasdite në fshatin Bishan të Vlorës, ku pas një konflikti vëllai ka plagosur me armë zjarri motrën. Seit Danaj, 60 vjeç, ka qëlluar me çifte motrën e tij Bukuroshe Hoxha 66 vjeçe, duke e plagosur. Nga veprimet e para hetimore dyshohet se autori gjatë konfliktit ka qenë nën efektin e alkoolit. E dëmtuara ka marrë plagë në këmbë dhe është dërguar në spital, ku ndodhet jashtë rrezikut për jetën.

Njoftimi i plotë i policisë: Vlorë/Informacion paraprak


Sot, rreth orës 16:25, në fshatin Bishan, Vlorë, dyshohet se gjatë një konflikti të çastit për motive të dobëta, shtetasi S. D., rreth 60 vjeç, ka plagosur me armë gjahu çifte, motrën e tij, shtetasen B. H., rreth 66 vjeçe, e cila është dërguar në spital dhe ndodhet nën kujdesin e mjekëve, jashtë rrezikut për jetën.

Shërbimet e Policisë janë vënë në ndjekje të autorit.

Nga veprimet e para hetimore dyshohet se autori gjatë konfliktit ka qenë nën efektin e alkoolit.

Grupi hetimor ndodhet në vendngjarje dhe po punon për zbardhjen e rrethanave të ngjarjes.

Leave a Reply

This site uses Akismet to reduce spam. Learn how your comment data is processed.