E futën foshnjën në kuti dhe e quajtën të vdekur se nuk qau / Ja kush është mjekja që po hetohet….

Detaje të reja kanë dalë në dritë në lidhje me foshnjën që ndërroi jetë dy ditë më parë. Genta Shyta është mjekja 51-vjeçare e Maternitetit të Pogradecit që po hetohet nga policia për neglizhencë.Sipas raportimeve të fundit foshnja lindi 24-javëshe në maternitet, por u shënua si abort. Sipas familjarëve stafi e konsideroi të vdekur pasi nuk u dëgjua që foshnja të qante, e më pas e futën në një kuti. Megjithatë familjarët nuk janë pajtuar me diçka të tillë . Ka qenë i ati i foshnjës ai që pas pak orësh, pasi ka hyrë në dhomën ku po qëndronte foshnja, ka dëgjuar të qarat e saj. Foshnja u dërgua menjëherë në maternitetin në Tiranë, por nuk mundi të mbijetonte, duke ndërruar jetë më 31 korrik.

Ditën e sotme kanë filluar hetimet në gjendje të lirë për neglizhencë në mjekim Genta Shytën, mjeke në Maternitetin e Pogradecit.E gjithë ngjarja u tregua nga babai i foshnjës në komisariat, i cili ka deklaruar në Polici se foshnja u gjet në një kuti.Policia sekuestroi kartelën mjekësore, ndërsa mjekja Genta Shyta ka pranuar që ka qenë abort e më pas ka ndodhur një “mrekulli”, ndërkohë që ditën e sotme është dërguar dosja në prokurorinë e Pogradecit për veprime të mëtejshme.


Like this: