Migen Memelli :”Nuk po kalojmë një moment të mirë, sulmuesit po e vuajnë këtë pjesë psikologjike”

Laçi ka fituar 2-0 me Skënderbeun për javën e shtatë të Superligës. Nga një gol në secilën pjesë nga Guindo ka vendosur gjithçka, me Mirel Josën që debuton me tre pikë në stolin e kurbinasve. Nga ana tjetër, korçarët e Memellit vijojnë të mbajnë fundin e klasifikimit. Loja do niste më mirë për vendasit, që kanë disa raste shënimi me Lushkjan dhe Zulfiun. Do duhej fundi I pjesës së parë (40′) që një penallti e kthyer në gol nga Guindo, të hape gjithçka. Pas konsultës me VAR, Hamiti ka lejuar goditjen e penalltisë. Në të dytën, sërisht Laçi më kërkues, me golin që nuk do vononte. Ka qenë sërish Guindo që ka gjetur dopietën (64′) me një veprim të bukur në zonë. Me këtë fitore Laçi mban vendin e shtatë me tetë pikë, kundrejt tre pikëve të korçarëve për vendin e fundit.


Pas ndeshjes për Gol pas Goli foli trajneri i Skënderbeut, Migen Memelli:

“Duke parë totalin e minutave, Laçi ka qenë më prezent. E nisëm mirë ku bëmë spostime në krah. Një herë me Bismark dhe me Mensah. Më vonë na u komunikua që VAR nuk funksiononte dhe nuk jam dakord që ishte penallti. Futbolli nuk është balet. Presidenti I Laçit, miku im tha që nuk ishte penallti. Kur e thotë ai për ekipin e tij ç’të them unë? Ne nuk jemi njerëz që ngacmojmë, jemi njerëz që përfaqësojmë një kulturë të jashtëzakoshnshme. Nuk duam të na ndihmojmë, të na japin hakun në fushë. Nuk po kalojmë një moment të mirë, sulmuesit po e vuajnë këtë pjesë psikologjike. Mbetet detyra jonë të punojmë, jo se shanset nuk I kishim. Nuk janë të mjaftueshme për këtë ndeshje futbolli. Skuadra e re që kam nuk është justifikim. Në futboll nuk ka limite.bNë çdo post që kam qenë, unë asnjëherë nuk kam qenë skllav I postit. Jam I hapur me klubin dhe lojtarët. Kur nuk ka përgjigje, do reagoj. I shoh gjërat pozitivisht.

Dyluftimet? Kam tërhequr vëmendje te goli I dytë. Tranzicioni është një armë e fortë, na ndodhi te goli I dytë. Doja të ishim në lojë sepse kishte minuta. Në mesfushë nuk bëmë mirë. Na kushtëzoi mungesa e Zguros dhe Moraes është teknik dhe jo agresiv.


VAR? Punonte deri në minutën e 20 dhe më pas na u komunikua se nuk ka punuar dhe më pas u kthye. Te penalltia? Nuk e di. (Probleme disa minuta me monitorin).

Berisha? Për të qenë korrekt. Pas ndeshjes me Kastriotin nuk u stërvit dy ditë dhe nisi stërvitje të lehtë. Në harkun kohor të dy javëve është stërvitur vetëm katër ditë dhe nuk mund të marr në ekip një lojtar që nuk ka bërë stërvitje javore. E kemi lënë në shtëpi dhe do jetë me një program të veçantë stërvitje. Nga e mërkura ka shansin si të gjithë.

Ndeshja më e dobët nga 7 javë? Ka qenë ajo me Partizanin, edhe nga statistikat. Kemi pasur vështirësi, sot kishim ndërtim dhe konsolidim. Në këtë formë nuk e shoh si ndeshjen më të dobët tonën. Ajo me Partizanin 1-1 ka qenë më e dobëta. Nga ajo ndeshje mungojnë pikët dhe ato ndikojnë te lojtarët e rinj në psikologji.

Me Partizanin I dhanë penallti, me Dinamon topi me dorë, me Tiranën të kuqe, sot po. Mos jemi ne njerëzit e sulmuar? I shohim gjërat pozitivisht, por me kaq ngacmime hedhim një mendim se po goditemi me të padrejtë”, tha Memelli.

Leave a Reply

This site uses Akismet to reduce spam. Learn how your comment data is processed.