Konflikti me thika në Elbasan/ Policia arreston 24-vjeçarin që vrau një vëlla dhe plagosi rëndë tjetrin për një vajzë

ELBASAN-Personi që goditi me thikë për vdekje Florenc Kovaçi si dhe plagosi rëndë vëllain i tij, Mikele Kovaçi është Ardit Hida. Ky është informacioni më i fundit i marrë nga Policia e qytetit të Elbasanit, i cili u kap në lagjen “Brigada e 17 Sulmuese”. Gjatë arrestimit policia ka sekuestruar edhe thikën me të cilën autori goditi dy vëllezërit, ndërkohë që mësohet se ai e ka pranuar krimin. Mësohet se “mollë sherri” ka qenë një vajzë, për të cilën janë konfliktuar disa të rinj, ku dhe janë përdorur armë të ftohta, që kanë sjellë si pasojë vdekjen e 26 vjeçarit.

Njoftimi i Policisë:


Kapet në kohë rekord autori i dyshuar i vrasjes së 28 vjeçarit dhe i plagosjes së vëllait të tij, mbrëmjen e sotme.
Sekuestrohet në cilësinë e provës materiale mjeti prerës (thikë) me të cilën autori kreu krimin.
Falë reagimit në kohë të shërbimeve të Policisë të Komisariatit të Policisë Elbasan dhe ato të DVP, veprimeve të shpejta hetimore e profesionale, krehjes së zonës dhe kontrolleve të shumta, u bë e mundur kapja e autorit të dyshuar të ngjarjes së ndodhur mbrëmjen e sotme në Elbasan.
Shërbimet e Policisë kapën dhe shoqëruan në Polici për veprime të mëtejshme shtetasin Ardit Hida 24 vjeç, i cili u kap në lagjen “Brigada e 17 Sulmuese”.
Gjithashtu u bë e mundur gjetja dhe sekuestrimi në cilësinë e provës materiale i thikës me të cilën ky shtetas plagosi dy vëllezërit, ku si pasojë e plagëve të marra njëri prej vëllezërve shtetasi F.K., rreth 28 vjeç, banues në Elbasan ka ndërruar jetë ndërsa vëllai tjetër shtetasi M.K.,19 vjeç, ndodhet në spital për ndihmë mjeksore.
Grupi hetimor n
ën drejtimin e Prokurorisë së Rrethit Gjyqësor Elbasan vijon punën për sqarimin e rrethanave të ngjarjes, identifikimin dhe arrestimin e personave të tjerë të përfshirë në këtë ngjarje.