Duke nisur nga muaji dhjetor, të gjithë shoferët që do të duhet të tërheqin leje drejtimi apo ta rinovojnë atë, do të duhet të pyeten për njohuritë e tyre. DPSHTRR ka njoftuar sot se shoferët do të pyeten në lidhje me çështje të sigurisë në rrugë sic janë kujdesi ndaj fëmijëve dhe pasagjerëve në kabinë; vëmendja ndaj këmbësorëve dhe atyre që ecin me biçikletë; sjelljen në trafik në zonat urbane si dhe orientimet në lidhje me masat e reja në Kodin Rrugor. Shoferët do të informohen “online” në lidhje me këtë procedurë.
Njoftimi i Plotë nga DPSHTRR:
Çdo vit rreth 100 mijë qytetarë rinovojnë lejedrejtimin! Nisur nga numri gjithnjë në rritje i përdoruesve të rrugës, ndryshimet në aktet ligjore shqiptare e direktivat europiane dhe nevoja për përditësim të drejtuesve të mjeteve rrugore, në rritje, DPSHTRR nga dhjetori 2021 (muaj me fluks të lartë aplikimesh edhe nga ardhja e shumë emigrantëve) do të nisë ofrimin e DETYRUAR të freskimit të njohurive dhe informacioneve më thelbësore mbi sigurinë rrugore, kujdesin ndaj fëmijëve e pasagjerëve në kabinë, vëmendjen ndaj pedaluesve e këmbësorëve, sjelljen në trafik e në zonat urbane, pikat e nxehta të rrezikut, orientime mbi masat e reja nga ndryshimet në Kodin Rrugor dhe Rregulloren e KRR (VKM153), risitë nga Automotorizimi Shqiptar, ARSH, Siguracionet, Policia Rrugore, Ndihma e Parë, bashkitë, importimi i mjeteve rrugore e detyrime/të drejta!
Një broshurë me detyrimin e njohjes dhe nënshkrimin e marrjes dijeni, falas (që do të publikohet edhe online), përgatitur nga profesionistë të fushës, një intervistë e shkurtër verifikuese dhe një apel-kujtesë për historikun e masave/gjobave të marra nga personi, do të jenë RISIA e këtij fundviti për të gjithë aplikantët që do të rinovojnë, dublikojnë apo do t’u rilëshohet lejedrejtimi pranë sporteleve të DPSHTRR!
https://www.instagram.com/tv/CWSoHLLD-O6/?utm_medium=copy_link
