Gola dhe spektakël /Liverpool bën përmbysje e madhe dhe shkon në finale e Champion League(Video)

Liverpooli është kualifikuar në finale të Ligës së Kampionëve duke eliminuar Villarrealin pas triumfit edhe në ndeshjen kthyese gjysmëfinale (3-2). Takimi i parë i zhvilluar në Anfield u mbyll me fitoren prej 2-0 të Redsave, ndërsa ekipi anglez fitoi edhe në sfidën kthyese në Estadio de la Ceramica (3-2) për t’u kualifikuar me rezultat të përgjithshëm prej 5-2. Pas një pjese të parë të luajtur në ritme të çmendura, Villareal është dorëzuar në pjesën e dytë përballë Liverpool që ka dalë në lojën e tij dhe ka shtyrë fort duke përmbysur sfidën nga 2-0 në 2-3.

Në pjesën e dytë, në harkun kohor të 5 minutave, ëndrra e madhe e “nëndetëses së verdhë” do të merrte fund kur fillimisht Fabinho dhe më pas Luis Diaz do të firmosnin dy golat e 2-2. Liverpool bëhet padron i fushës dhe menaxhon me qetësi, Villareal nis të dorëzohet. Aq sa portieri Rulli bën një gafë dhe i jep kohën Mane që ta driblojë dhe shënojë golin e 2-3. Në finale, Liverpooli do ta presë fituesin e duelit ndërmjet Real Madridit dhe Manchester Cityt.

Ndërsa Klopp bëhet trajneri i parë në histori të futbollit anglez që dërgon skuadrën e tij në 3 finale në të njejtin sezon:CARABAO CUP, FA CUP DHE CHAMPIONS LEAGUE.

https://twitter.com/allsoccergoals1/status/1521581674374565891?s=21&t=qW74QX6YSkAXDOTo0BbHAg

https://twitter.com/allsoccergoals1/status/1521581836362829825?s=21&t=WfM5sA6QXK90cO6zulWaFw

https://twitter.com/matheusoarruda/status/1521585865398624258?s=21&t=5h2HljdQf2IC9Pqk3SIzuw

Leave a Reply

This site uses Akismet to reduce spam. Learn how your comment data is processed.