Skënderbeu bëhet skuadra e parë që bie nga Superiorja pas barazimit 1-1 në Kamzë përballë Dinamos. Goditjen e fundit Skënderbeut ja dha ish-futbollisti i korçarëve, Sabien Lilaj. Gjyqtari akordon penallti në minutën e 100 për Dinamon dhe nga pika e bardhë e 11 metrave qendronte Sabien Lilaj. Dikur mesfushori “gatuante“ golat për Skënderbeun që shkroi histori me pjesëmarrjen në grupet e Europa League-s, ndërsa sot “gatoi“ golin më të hidhur për juglindorët. Pikërisht atë gol që i dërgoi zyrtarisht një kategori më poshtë.
Skënderbeu rrëzohet matematikisht nga kategoria. Ky rezultat i mban ende gjallë blutë për bilanc pozitiv me Egnatian, ndersa i thotë mirupafshim Skënderbeut që me 9 pikë diference por edhe me 9 pike ne loje s’ka me shanse pasi ne ballafaqimet direkte llogarit një barazim e dy humbje me rrogozhinasit e zonës play out. Gega e të tijtë dënohen në minutën e 101’, sepse barazimi është vendosur përtej shtesës prej pesë minutash, kur penalltia për blutë për t’u verifikuar nga Jorgji në sistemin VAR ka dashur më shumë se dhjetë minuta.
Dinamo ndërkohë vazhdon të jetë matematikisht në Superiore dhe tani e vetmja mënyrë për të shpëtuar është të fitojë të gjitha ndeshjet, ndërsa Egnatia t’i humbi ato. Në sfidën e fundit të kampionatit midis këtyre dy skuadrave, “Nëndetësja” duhet të fitojë me më shumë se 2 gola diferencë.
Hera e fundit që bardhekuqtë nuk ishin pjesë e elitës, ishte sezoni 2008-2009. Kjo qenë përbërja e lojtarëve të Skënderbeut në sezonin 2008-2009 kur militonin në Kategorinë e Parë:

