Një tjetër aksident me pasojë vdekjen e një gjermaneje ka ndodhur pasditen e kësaj të marte në Qafë Thanë- Pogradec. Sipas raportimeve trajleri ka rrëshqitur dhe ka goditur një makinë që drejtohej nga një shtetase gjermane, e cila udhëtonte me bashkëshortin e saj. Gruaja ka ndërruar jetë në vend ndërsa bashkëshorti ndodhet në spital ku po merr kujdesin e duhur mjekësor. Ky është aksidenti i gjashtë për sot në aksin Pogradec-Prrenjas.

Gjithashtu, dyshohet se rrëshkitja e kamionit ka ardhur si pasojë e vajit të hedhur në rrugë. Pronarët e serviseve dhe karrotreceve dyshohet se hedhin vaj në rrugë, me qëllim që të shkaktohen sa më shumë aksidente dhe kështu do kenë më shumë punë. Megjithatë, pavarësisht denoncimeve të shumta, askush nuk ka marre masat e duhura….

Njoftimi i Policisë:

Prrenjas – Rreth orës 17:30, në aksin rrugor “Qafë Thanë-Prrenjas”, kamioni që drejtohej nga shtetasi serb S. M., 50 vjeç, është përplasur me automjetin që drejtohej nga shtetasja gjermane U. S., 56 vjeçe. Si pasojë e përplasjes, ka humbur jetën në vendngjarje, shtetasja U. S. Gjithashtu, është dëmtuar dhe ndodhet në kujdesin e mjekëve, shtetasi P. K., 50 vjeç, (pasagjer në automjetin me drejtuese shtetasen U. S.)““Shërbimet e Policisë Rrugore të DVP Elbasan kanë shoqëruar në Komisariatin e Policisë, për veprime të mëtejshme procedurale, drejtuesin e kamionit, shtetasin S. M. Grupi hetimor, në bashkëpunim me Prokurorinë, po vijon veprimet në vendngjarje, me qëllim zbardhjen e rrethanave dhe shkakut të aksidentit”, tha dhe policia në një njoftim për mediat.

Ç’po nodh në në Qaf -Thanë-Prrenjas ? Një tjetër makinë përplaset me trajlerin, një i vdekur… pic.twitter.com/0yfOCr1c8g

— KorcaBlog.com (@korcablog1) May 9, 2023

Ne nje video pas 3- aksidenteve te njepasnjeshme diten e sotme shihen pamjet sesi po pastrohet rruga nga hedhjet e vajit…. pic.twitter.com/b45ooTvKyz

— KorcaBlog.com (@korcablog1) May 9, 2023