Një djalë 20-vjeçar ka humbur jetën mbrëmjen e djeshme në Korçë. Paraprakisht dyshohet se ai ka pësuar arrest kardiak, ndërsa do të jetë ekspertiza mjekoligjore që do të përcaktojë shkakun. I riu nga Devolli Mateo Llabani , 20 vjeç, mbërriti në spitalin e Korçës në gjendje të rëndë shëndetësore por nuk mundi të mbijetonte. Nga këqyrja paraprake e trupit të të riut, nuk janë konstatuar shenja dhune.
Njoftimi i Policisë:
Mbrëmjen e djeshme, dyshohet se për shkak të një arresti kardiak, ka shkuar në spitalin e Korçës, në gjendje të rëndë shëndetësore, shtetasi M. Ll., 20 vjeç, banues në Bilisht, i cili më pas ka humbur jetën. Nga këqyrja paraprake e trupit të 20-vjeçarit, nuk janë konstatuar shenja dhune. Pritet ekspertiza mjekoligjore për të përcaktuar shkakun e vdekjes.
Grupi hetimor vijon punën për sqarimin e plotë të rrethanave të kësaj ngjarjeje.
