Prej mbarimit të “ZemërLuana”, Luana Vjollca ka qenë duke punuar së bashku me ekipin e saj për të sjellë në ekrain e “Klan” për herë të parë patentën e “Love Island” në Shqipëri, një reality show ky që ka në qendër të tij një vilë luksoze, disa të rinj tërheqës në kërkim të lidhjes ose dashurisë, tundimin dhe një cmim të madh.
Tani, mes shumë aludimesh, kemi edhe promo-n zyrtare të programit, ku zbulohen pak detaje nga ajo që pritet të shohim, ndërsa mësojmë zyrtarisht edhe kur nis show.
Kështu, Luana Vjolla na le takim në shtator, muaj ky që pritet të nisë emisioni dhe spektakli i drejtuar prej saj, ndërsa po ashtu në spot zbulohet edhe se të rinjtë do të kenë mundësinë të fitojnë 50 mijë euro nëse triumfojnë në “Love Island”.
Ideja e promos është mjaft interesante, me Luanën që zbulohet si personazhi i pëlumbarit në fund, që prish festën e të rinjve dhe i drejton drejt ishullit, ndërsa vetë moderatorja shprehet mjaft e lumtur që programi nis së shpejti, duke u shprehur se ka 3 vite që pret ta drejtojë.
