Një ngjarje e rëndë është shënuar sot në lagjen nr. 17 të Korçës, ku një person humbi jetën brenda një farmacie. Sipas të dhënave paraprake, ai kishte shkuar për të marrë medikamente, pasi vuante nga probleme kardiake.
Gjatë qëndrimit në farmaci, dyshohet se qytetari ka pësuar një atak kardiak, i cili ka rezultuar fatal, pavarësisht se ngjarja ndodhi në një ambient ku kishte ndihmë të menjëhershme mjekësore.
Policia ka mbërritur në vendngjarje dhe ka nisur hetimet për të sqaruar rrethanat e plota të rastit. Trupi i viktimës pritet t’i nënshtrohet ekspertizës mjekoligjore.
Vetëm një orë më parë një qytetare në Vlorë humbi jetën pasi ra në bulevard.
