Operacion antidrogë në Korçë/ Arrestohet një person, gjenden doza kok@ine, para dhe fishekë…

Një operacion antidrogë është zhvilluar mbrëmjen e së premtes në qytetin e Korçës, ku është arrestuar një person i dyshuar për përfshirje në veprimtarinë e paligjshme të shitjes së lëndëve narkotike. Kontrollet kanë vijuar në disa banesa, ndërsa operacioni mbetet në zhvillim.

Forcat e Policisë kanë zhvilluar kontrolle në disa banesa në Korçë, në kuadër të një operacioni që synon goditjen e personave të dyshuar për shitjen e lëndëve narkotike.

Gjatë kontrollit të automjetit dhe banesës së personit të arrestuar, janë gjetur doza kokaine, shuma parash, armë të ftohta dhe fishekë.

Personi është shoqëruar dhe arrestuar në kuadër të operacionit, ndërsa kontrollet po vijojnë edhe në banesa të tjera, ku dyshohet se mund të ketë persona të përfshirë në veprimtarinë e paligjshme.

Operacioni policor vijon, ndërsa priten të dhëna të tjera lidhur me rezultatet e kontrolleve dhe personat e tjerë që mund të përfshihen në hetim.

Leave a Reply

This site uses Akismet to reduce spam. Learn how your comment data is processed.