I zuri korenti/ Një i vdekur dhe një në gjendje të rëndë për jetën

Një ngjarje e rëndë ka ndodhur mbrëmjen e kësaj të shtune në fshatin Karmë të Vaut të Dejës, ku dy persona dyshohet se kanë rënë në kontakt me rrymën elektrike në ambientet e jashtme të një lokali.

Sipas informacionit paraprak të policisë, Sokol Preka, 40 vjeç, roje i një lokali bar-kafe në pronësi të shtetasit Gj. S., dhe David Deda, 46 vjeç, elektricist, dyshohet se kanë rënë në kontakt me rrymën elektrike.

Si pasojë, Sokol Preka ka humbur jetën gjatë transportimit për në spital, ndërsa David Deda ndodhet në gjendje të rëndë shëndetësore.

Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.

David Deda dhe Sokol Preka
40-vjeçari Sokol Preka, i cili punonte si roje në lokalin në fjalë, gjatë transportimit për në spital, ka humbu jetën si pasojë e kontaktit me energjinë elektrike.
Ndërkohë, 46-vjeçari, David Deda, edhe pse u transportua me urgjencë për në spital, ai nuk mundi që t’i mbjetojë plagëve të marra dhe ndërroi jetë. Ai është baba i një djali të mitur.

Leave a Reply

This site uses Akismet to reduce spam. Learn how your comment data is processed.