Një ngjarje e rëndë është regjistruar mëngjesin e sotëm në fshatin Pojan të Maliqit, ku një 74-vjeçar është plagosur si pasojë e shpërthimit të një bombole gazi në banesën e tij.

Ngjarja ka ndodhur rreth orës 06:50, në banesën e shtetasit me inicialet Th. K.

Sipas informacionit paraprak, gjatë shpërthimit i moshuari ka pësuar djegie në fytyrë. Ai është transportuar në spital për të marrë ndihmën mjekësore dhe, sipas Policisë, ndodhet jashtë rrezikut për jetën.

Në vendngjarje kanë mbërritur shërbimet e Policisë, ndërsa është ngritur grupi hetimor për të përcaktuar rrethanat dhe shkakun e shpërthimit të bombolës së gazit.