“Do jem edhe në ajër edhe në tokë”, Arilena zbulon detaje nga “Eurovizioni”

Arilena Ara siç është bërë dhe e ditur do të përfaqësoj Shqipërinë në Eurovision me këngën e saj ‘’Shaj’’ e cila ishte një baladë dhe kishte një tekst mjaft melankolik.E përsa i përket perfomancës në këtë konkurs të këngës këngëtarja është shprehur dhe më herët se ”Shaj” do ta sjell në versionin anglisht.

Por së fundmi në një intervistë për emisionin ‘Vizion i mbasdites’ Ara ka treguar më shumë.

Arilena tha se menjëherë pas fitores është nisur për në Los Angelos për të përpunuar versionin Anglisht të këngës “Shaj”, e cila tashmë është gati.

“Në Los Angelos udhëtuam për të punuar për albumin tim të parë në anglisht, por pas fitores surprizë më duhet të punoja me ripërpunimin e këngës. Kënga do dalë shumë shpejt dhe ka një frymë shumë të ndryshme, shumë më e bukur nga Shaj. Mezi po pres ta ndaj me ju sepse është një ndjesi tjetër, një fuqi tjetër, emocion tjetër”, u shpreh Arilena.

Gjithashtu ajo ka shtuar më tej se në Eurovision atë do e shohim të performojë në ajër.

“Nuk dua të flas shumë por do them vetëm një gjë, do jem edhe në ajër edhe në tokë, kaq!”, ka treguar Arilena.

Leave a Reply

This site uses Akismet to reduce spam. Learn how your comment data is processed.