Duke filluar nga dita e nesërme (1 qershor) do të nisë faza e dytë të rihapjes së vendit, ku do të hapen çerdhet, kopshtet dhe plazhet, ndërsa transporti publik do të mbetet i bllokuar. Mes bizneseve që do të rifillojnë punën nga 1 qershori janë edhe palestrat. Kufiri tokësor gjithashtu do të hapet, por ende nuk është përcaktuar se kur do të rikthehet transporti publik. Në kuadër të fazës së dytë të hapjes së Shqipërisë, karantinimi i qytetarëve që vijnë në vendin tonë nuk do të jetë i detyrueshëm.
Kështu nga nesër:
Hiqen kufizimet e orareve për qytetarët dhe bizneset në të gjithë vendin
Hapen kufijtë tokësorë, pa detyrim vetëkarantinimi, përveç rasteve kur vendoset nga autoritetet shëndetësore
Hapen plazhet vetëm për strukturat akomoduese. Ndërsa me 6 qershor hapen plazhet për të gjithë qytetarët.
Hapen kopshtet dhe çerdhet
Hapen, parqet, këndet e lojërave, palestrat, qendrat e interentit.
Hapet kampjonati, i futbollit, pa spektatorë.
Hapen kurset profesionale, edukative, argëtuese, konkurset e punësimit.
Jorge Rodriguez-Gerada ka pikturuar në një park në New York, portretin e një mjeku që vdiq nga koronavirusi . Kjo pikturë u bë për nder të mjekëve në New York të cilet kanë humbur jetën nga koronavirusi. Portreti i doktorit Ydelfonso Decoo është 20.000 metra katrore dhe shtrihet përgjatë gjithë Parku Corona në Livadheve Flushing. Jorge Rodriguez-Gerada ka arritur ta pikturojë vetëm për 5 ditë.
Greqia mund të jetë një destinacion kryesor pushimesh këtë vit, por për britanikët, amerikanët dhe italianët që ëndërrojnë ta shfrytëzojnë atë për pushime, kjo do të jetë e pamundur për ca kohë. Athina i ka lënë këto vende jashtë listës prej 29 të tillash, nga të cilat Greqia do të nisë të pranojë vizitorë, ndërsa po përpiqet të zbusë dëmet që ka shkaktuar pandemia për industrinë e saj më të madhe, turizmin.
Zyrtarët grekë thonë se udhëtarët nga vendet që nuk janë ndaluar, do të jenë në gjendje të hyjnë në Greqi duke filluar nga 15 qershori dhe vetëm nëpërmjet aeroportin kryesor ndërkombëtar të kryeqytetit, Athinës si dhe metropolit verior të vendit, Selanikut.Lista me 29 vendeve u hartua pas një rishikimi të rreptë të rregulloreve globale të aeroporteve dhe nivelit të infeksionit COVID-19.
Ministri i Turizmit Harris Tehoharis duke shpjeguar arsyet tha se ashtuquajtura lista e vendeve të sigurta është pjesë e një plani të hartuar për të garantuar sigurinë si të vendit ashtu edhe udhëtarëve të huaj.Ai tha se qeveria greke ia doli të trajtojë me sukses pandeminë duke marrë masa drastike bllokimi që në fillim dhe duke mbajtur nivelet e regjistruara të infeksionit nën 3 mijë dhe numrin e vdekjeve në 175. Në mesin e 29 vendeve, shtetasit e të cilëve do të lejohen në Greqi prej 15 qershorit, përfshihen disa vende të Ballkanit, Izraeli dhe madje Kina e Japonia. Udhëtarët që vijnë nga këto vende do të kontrollohen nëse janë të infektuar me COVID-19 e do të lejohen të pushojnë lirisht pa u kërkuar që të vetëizolohen fillimisht.
Në varësi të ndryshimit të nivelit të infeksionit, lista e vendeve mund të ndryshojë përpara se të lejohen të hynë në vend udhëtarët nga e gjithë bota duke nisur më 1 korrik.Por në kushtet kur SHBA, Britania dhe Italia, vende këto të goditura më rëndë nga pandemia, ekspertë të shëndetit si Gikas Magiorkas paralajmërojnë se mund të duhen muaj, përtej datës një korrik, përpara se udhëtarët nga ato vende të lejohen të vizitojnë Greqinë. Britanikët dhe amerikanë zakonisht përbëjnë numrin më të madh të vizitorëve në Greqi, duke i sjellë vendit miliarda çdo vit.
Ndërkohë, Italia u kundërpërgjigj duke thënë se vendet e “listës së zezë” ishin aty padrejtësisht dhe se Italia nuk do të lejonte të shihej dhe trajtohej ashtu sikurse e cilësoi një zyrtar i lartë, “koloni lebrozësh”.Megjithë përpjekjen e Greqisë për të hapur turizmin, shumë zyrtarë të industrisë ngurojnë.Grigoris Tassis, presidenti i shoqatës greke të pronarëve të hoteleve, thotë se ata nuk kanë marrë direktiva themelore nga shteti, përfshirë informacionin se si t’i trajtojnë rastet e infeksioneve në terren që mund të shfaqen.
Në ishullin e Kretës, një destinacion i preferuar për pushime, shumë zinxhirë hotelesh të mëdhenj kanë zgjedhur të hapin vetëm një pjesë të objekteve dhe lehtësira që ofrojnë për pushuesit. Disa studime tregojnë se rreth 65 për qind e hoteleve greke mund të falimentojnë nëse nuk arrijnë të hapen këtë verë.
Një situatë aspak e këndshme është regjistruar në Maqedonin e Veriut. Teksa kampionati ishte planifikuar të rifillonte mes datave 14 dhe 21 qershor, zhvillimet e disës së sotme e kanë venë ndjeshëm në rrezik fillimin e tij.Plot 6 futbollistë nga 2 skuadrat shqiptare që marrin pjesë në elitën e futbollit Maqedonas, kanë rezultuar pozitivë me Koronavirus. Bëhet fjalë për Shkëndijën e Tetovës ku luan dhe ish futbollisti i Skenderbeut Gledi Mici dhe klubin e Renovës. Mësohet se 2 anëtarë janë nga klubi kuqezinj dhe katër nga ai i Renovës.
Gledi Mici
Lajmi është konfirmuar nga Sindikata e Futbollistëve në Maqedoni dhe klubi i Shkëndijës, nëpërmjet postimeve në faqen zyrtare.
Ndërkohë që në reagimin zyrtar të Shkëndijës shkruhej:
“Për fat të keq, gjatë ditës së sotme, nga Sindikata e futbollistëve, na kanë njoftuar se dy anëtarë të klubit tonë kanë rezultuar pozitivë me COVID-19. Në interes të besueshmërisë së rezultateve, klubi menjëherë ka nisur procedurat për të kryer testimet e dyta të dy anëtarëve që rezultojnë pozitivë.
Duke respektuar instruksionet e organeve kompetente, dy anëtarët me COVID-19 janë izoluar sipas rekomandimeve, ndërsa klubi hapat e radhës do t’i marrë në koordinim me Federatën e Futbollit të Maqedonisë dhe Institutin për Shëndetin Publik“, lexohet në komunikatën e kuqezinjve.
Një aksident rrugor është regjistruar pasditen e kësaj të diele në qytetin e Korçës, ku disa kanë mbetur të plagosur.Dy makina janë përplasur me njëra- tjetrën dhe njëra prej tyre ka përfunduar në oborrin e shtëpisë, mes luleve.Si pasojë e përplasjes janë lënduar 3 persona por pa probleme serioze.
Ndërkohë në vendin e ngjarjes kanë shkuar forca të shumta policie të cilët po hetojnë për zbardhjen e plotë të shkaqeve të aksidentit.
Ka shkuar në 1136 numri i personave të prekur nga koronavirusi në vendin tonë.Harta e të prekurve nga COVID-19 zgjerohet me 15 raste pozitive .Të shpërndara: 11 janë në Tiranë, 3 në Krujë, dhe 1 rast në Kamëz.Në vendin tonë janë 232 pacientë aktive dhe pjesa më e madhe po ndiqet nga mjeku i familjes.Juglindja e vendit vazhdon të ketë 1 person pozitiv Covid-19.Numri i testeve ne total ne Qarkun e Korçes eshte 291.
Dr.Genta Qirjakonga Instituti i Shëndetit Publik dha detajet:
Ju informojmë rreth situatës së COVID 19 në Shqipëri.Gjatë 24 orëve të fundit janë testuar 225 qytetarë si të dyshuar të prekur me Covid19 dhe janë konfirmuar 15 raste pozitive. Shpërndarja e rasteve të reja pozitive është si vijon: 11 raste në Tiranë, 3 në Krujë, dhe 1 rast në Kamëz.Nga totali i të prekurve të identifikuar në 24 orët e fundit, 11 janë kontakte të rasteve të mëparshme të konfirmuara pozitive, ndërsa për 4 raste po vazhdon hetimi epidemiologjik.
Në 24 orët e fundit janë testuar 35 personel shëndetësor dhe kanë rezultuar pozitive 2 raste.Është rritur numri i të shtruarve në spitalin infektiv. Aktualisht po trajtohen 31 të prekur, nga të cilët 4 janë në terapi intensive, njëri prej të cilëve është i intubuar.Në 24 orët e fundit janë shëruar 15 qytetarë, duke e çuar në 872 numrin e të shëruarve.Nga fillimi i epidemisë janë kryer mbi 16 mijë testime molekulare dhe serologjike.
Që nga fillimi i epidemisë janë 1136 raste të konfirmuara, prej të cilëve aktualisht janë 232 persona aktivë me COVID19, kryesisht ne Tiranë, Durrës dhe Krujë.Ne lidhje me ndërrimin jete të një 82 vjeçare në spitalin universitar “Shefqet Ndroqi”, e cila vuante nga Fibroza pulmonare, stadi i fundit, insuficienca kardiake, fibrilacion atrial, diabet mellitus dhe HTA, sqarojmë se, me gjithë ndihmën e dhënë, 82 vjeçarja ka jetuar vetëm disa orë. Analiza për coronavirus ka rezultuar pozitive pas vdekjes.
Por shkaku i vdekjes, nëse ka qenë koronavirusi përgjegjës, po analizohet nga stafi mjekësor i spitalit ”Shefqet Ndroqi”.Ministria e Shëndetësisë dhe Mbrojtjes Sociale apelon edhe një herë qytetarët të tregohen të kujdesshëm. Ruani distancimin fizik, higjienën personale dhe lani duart sa më shpesh. Evitoni ambientet e mbyllura dhe grumbullimet me shumë njerëz. Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.
COVID-19 – Statistika (31 Maj 2020) Testime totale 16175 Testime molekulare 14723 Testime serologjike 1452 Raste pozitive 1136 Raste të shëruara 872 Raste Aktive 232 Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon: Tiranë 148 Durrës 27 Krujë 17 Shkodër 10 Kamëz 10 Mat 8 Lushnje 6 Berat 2 Fier 2 Korçë 1 Librazhd 1
Futbolli shqiptar në zi. Një lajm shumë i keq, për futbollin shqiptar dhe jo vetëm,teksa mbrëmjen e djeshme është ndarë nga jeta talenti i të rinjve të Skënderbeut, Dorian Tahirllari.Futbollisti më shumë se një vit më parë, zbuloi se vuante nga tumori malinj në stomak, shtyllën kurrizore dhe në veshka, teksa kërkoi ndihmën e njerëzve për të kryer operacionin.
Megjithatë pavarësisht vuajtjeve të mëdha dhe kurimeve, Doriani nuk ia doli dot ta kalojë përfundimisht këtë sëmundje.Mbrëmjen e djeshme, 18-vjeçari ka ndërruar jetë, duke sjellë një pikëllim shumë të madh tek të gjithë njerëzit që janë njohur me rastin e tij.
Ëndrrës së Dorianit për të kaluar këtë sëmundje të keqe dhe për tu bërë futbollist i madh, i ka ardhur fundi këtu!
Shprehim ngushëllimet tona për familjarët dhe të afërmit e Dorianit, për këtë fatkeqësi që ju ka ndodhur.Nuk ia dole të rikthehesh në fushë por do të mbetesh gjithmonë në zemrat tona sepse ti je shpirti i luftës, sakrifices dhe dëshirës për të jetuar.
Kjo makinë tip Ford i përket vitit 1965. Prej 25 vitesh është ne pronësinë e aktorit të njohur korçar Zhani Ziçishti.
Vete aktori tregon se automjeti është i rralle dhe se nga ky tip ka vetëm gjashte te tille ne te gjithë boten. Ziçishti tregon se makinën e ka blere ne Greqi, por tani nuk e shet edhe nëse i japin nje çmim shume te larte.
I prodhuar ne Keln të Gjermanisë, për rreth çerek shekulli Fordi ka qene ne gjendje te shkëlqyer pune edhe ne Shqipëri.
Në një komunikim të parë, Policia e Shtetit njoftoi se ditën e diel nuk do të lejohej qarkullimi i mjeteve,ku u shpreh se fundjava është e lirë për qytetarët dhe bizneset, ndërsa e diela pa makinë. Por një urdhër i dytë rrëzon të parin dhe Policia, përmes një njoftimi per mediat, thotë se të dielën do të lejohet qarkullimi i makinave.
Policia e Shtetit
“Policia e Shtetit, duke rivlerësuar komunikimin me Ministrinë e Shëndetësisë në lidhje me Udhëzimin për ditën e diel, 31 maj, pa makina, informon edhe njëherë qytetarët se nuk do të ketë ndalim të qarkullimit të automjeteve brenda qyteteve as të dielën.”
Gjithashtu, edhe për këtë fundjavë nuk do lejohet hyrja dhe dalja në zonat e kuqe, si dhe ndalohet lëvizja drejt plazheve nga zonat që nuk janë zona bregdetare.
7 milionë italianë do të zgjedhin muajin qershor për të shkuar me pushime. Ky është rezultati i një analize të bërë nga shoqata e njohur “Coldiretti”, pas konfirmimit të lëvizjes së lirë të qytetarëve mes rajoneve duke nisur nga 3 qershori.
Turizmi pritet të jetë kryesisht vendas, për shkak të vetos së vendosur nga shumë shtete të frekuentuara nga italianët gjatë pushimeve verore. Megjithatë shteti fqinj është i hapur edhe për vizitorët e huaj.
Për të nxitur këtë ka hequr rregullin e karantinës për turistët që vijnë nga vendet e zonës Shengen, por sigurisht mbyllja e kufirit nga Greqia, Kroacia dhe Austria ka nxitur një reagim mjaft të ashpër të Italisë.
“Në këto ditë kam dëgjuar shumë për Italinë. Nuk më duket se është momenti për të bërë polemika, por një gjë dua ta them në mënyrë të qartë: Kërkojmë respekt. Nëse dikush mendon se mund të na trajtojë si ishull i kufizuar, atëherë ta dijë se nuk do të qëndrojmë duarkryq”, u shpreh Luigi Di Maio.
Ministri i Jashtëm italian shton se duhet një kundërpërgjigje e përbashkët europiane sa i përket rihapjes së kufijve. Në të kundërt, Di Maio paralajmëron për rrezikim të shpirtit unifikues të Bashkimit Europian dhe të projektit politik.
Të dhënat e buletinit të lëshuar nga Mbrojtja Civile shohin sot një rënie të infeksioneve dhe një rritje të lehte te nr te viktimave ku janë 111 viktima në 24 orët e fundit(Dje ishte 87 ).Numri i përgjithshëm i viktimave në Itali ka arrirur në 33.340 persona që nga fillimi i monitorimit të epidemisë Covid-19.Numri i përgjithshëm i personave aktualisht pozitive ndaj virusit është 43,691 persona (dje ishte 46,175).
Rastet e përgjithshme të personave të prekur nga Covid-19 ka arritur në 232.664 që nga fillimi i monitorimit të pandemisë. Rastet e reja janë + 416 (dje ato ishin +516).Numri i personave të rikuperuar në 24 orët e fundit është : janë 2.789 pacientë të shëruar në krahasim me 2.240 dje dhe 3.503 dy ditë më parë.
Totali i te sheruarve është 155.633.Numri i pacientëve të shtruar në spital vazhdon të ulet: ata janë 6.680 (dje ishin 7.094).Nga këta, pacientët më seriozë të pranuar në kujdesin intesiv janë 450(dje ishin 475).Në Itali janë kryer gjithsej mbi 3.8 milion teste.
Italia është vendi i tretë më i goditur nga koronavirusi nga numri i viktimave, pas SHBA-së dhe Mbretërisë së Bashkuar, ndërsa sa i përket rasteve të konfirmuara, shteti fqinj është vendi i gjashtë në botë më i goditur nga Covid-19.
Shtetet me te prekura nga Covid -19 jane :1-SHBA vazhdon të mbetet epiqendra e pandemisë me më shumë të prekur dhe viktima në botë dhe ndiqet nga Brazili,Rusia,Spanja,Britania,Italia
Pas thuajse 3 muajsh ndërprerje për shkak të pandemisë Covid-19, Kategoria Superiore është gati të zbresë në fushë.Sot janë përcaktuar edhe oraret e ndeshjeve të javës së 27, të cilat do të luhen të gjitha në 3 qershor në orën 17:00, me përjashtim të supersfides Partizani-Skënderbeu, që do të luhet në të njëjtën ditë, por në orën 20:00.Edhe takimet e javës së 28 do të luhen të gjitha në të njëjtën ditë, të dielën e 7 qershorit, ndërsa 4 prej tyre do të startojnë në orën 17:00 dhe sfida Partizani-Kukësi do të startojë në orën 20:00.
Skënderbeu do të ketë disa probleme në sfidën me Partizanin. Kështu, ndaj të kuqve do të mungojnë vetëm mbrojtësi i djathtë Jorgo Meksi për kartonë dhe sulmuesi ganez Alfred Mensah për shkak dëmtimi.Me skuadrën është kthyer nga Zvicra Taipi, i cili ka nisur stërvitjen.
Lojtarët kanë bërë stërvitje individuale dhe vetëm me urdhrin e fundit skuadra ka zbritur e bashkuar në stërvitje. Ilir Daja shpreson që ta ketë gati ne formen maksimale skuadrën e tij për sfidën me Partizanin.
Skenderbeu para pezullimit të kampionatit ishte një nga skuadrat më në formë,pikerisht kur kishin ndezur motoret dhe ecnin me hap kampioni ,duke marre 4 fitore rradhazi.
Pas disa lekundjeve te lehta ne mëngjesin e sotem një lëkundje tërmeti është ndjerë përsëri pasditen e sotme rreth orës 17:36 në Korçë, me epiqender libonik. Sipas faqes që regjistron të dhënat e lëkundjeve EMSC, magnituda paraprake e tërmetit u raportua 3.6 i shkallës Rihter.
Emergjenca e koronavirusit ka futur në ngërç ekonominë shqiptare, me përqindjen e rritjes që tashmë parashikohet në ulje.Ashtu si edhe për shumë qytete shqiptare turizmi është një pjesë kryesore e ekonomisë për Korçën dhe Pogradecin.Por ndërsa pandemia përhapet dhe njerëzit izolohen, bizneset që varen nga turizmi shqetësohen çdo ditë e më tepër.
Korça ka rreth tre javë që ka dalë nga zona e kuqe, por turizmi në këtë qytet vijon të mbetet i paralizuar.
Ndonëse njihet si një ndër zonat më atraktive në vend, kjo fundjavë e gjeti Korçën të zbrazët, me shëtitore dhe kafet bosh.Po kështu edhe Dardha dhe Voskopoja kanë një numër shumë të ulët të turistëve që kanë shtëpizat e tyre në këto zona, ndërsa të tjerët nuk kanë rezervuar.
Driloni hesht. Restorantet e hotelet janë të boshatisura ndërsa varkat që shëtisnin në ujin e tij qëndrojnë në breg. Te vetmet që lëvizin janë mjelmat.
Janë qindra biznese në këto qytete dhe mijëra familje që nuk e dinë nëse do të jenë në gjendje të rregullojnë ngadalësimin që po pësojnë.
Edhe të punësuarit në sektorin e turizmit do ta ndjejnë tkurrjen e kësaj industrie.
Shpesh ndeshim shprehjen….“Çdo turist fut në punë 8 veta dhe çdo turist që nuk vjen, lë pa punë 8 veta”.
Pasi kurba e rasteve me coronavirus në Itali po ulet dhe datat për rikthimin e ndeshjeve është zbuluar, tani kanë filluar planet se kur mund të rikthehen tifozët në stadiume.Italianët tashmë zënë vendin e dytë për numrin e vdekjeve në Evropë nga pandemia botërore, pasi janë kaluar nga Britania e Madhe,ku zona problematike ngelet Lombardia,Piemonte dhe regjioni i Ligurias.
Në këtë situatë restorantet kanë filluar punën dhe po mbahet distancë sociale,ndersa Serie A planifikon për rikthimin e tifozëve në stadiume.
“Ne po reflektojmë, sigurisht, sepse është vetëm e drejtë të hedhim një hap përpara pas rihapjes,” ka thënë Presidenti i Lecces, Saverio Sticchi Damiani.
“Unë mendoj se nëse është e mundur, do të ishte mirë të krijoni një rotacion midis tifozëve të tanë, duke bllokuar qartë shitjen e biletave të reja. Ne kemi një stadium prej 30,000 ulësesh në Lecce, kështu që do të ishte mirë të ofrojmë disa nga tifozët tanë – në rotacion – një argëtim të vogël, gjithmonë duke ndjekur masat paraprake të nevojshme dhe duke garantuar distancimin shoqëror”, ka shtuar më tej ai.
Federata e futbollit të Italisë mendon që të futen vetëm 300 persona në stadium në një ambient më të hapur dhe një distancë mbi dy metra
