Mijëra euro do të arketohen për klubet shqiptare të cilat sot të 3-ja pjesëmarrëse arritën të kalojnë turin e parë.Kukësi, Teuta dhe Laçi do të përfitojnë nga 500 mijë euro.Presidenti i FSHF, Armand Duka është shprehur mjaft i lumtur për kualifikimin e tre skuadrave shqiptare në kualifikueset e Europa League.Sipas Dukës, asgjë nuk vjen rastësisht, por është sukses që vjen si shpërblim për punën e palodhur të klubeve shqiptare.
STATUSI NGA ARMAND DUKA
Sot, Europa League foli shqip! Në të gjithë kuptimin e plotë të fjalës. Një super mbrëmje për skuadrat shqiptare! Pas kualifikimit të Teutës më herët gjatë ditës, vjen edhe suksesi i KF Laçit në transfertën azere si edhe triumfi i Kukësit ndaj Slavia Sofjes. Është fantastike, më bukur se kaq nuk kishte ku të shkonte! Asgjë nuk vjen nga rastësia, ky është një sukses që vjen si shpërblim për punën e mirë dhe të palodhur që klubet shqiptare kanë bërë në vazhdimësi.
Krenar për kualifikimin e tre klubeve shqiptare në turin tjetër të Europa League, krenar për futbollin shqiptar! Urimet më të mira edhe për Laçin edhe për Kukësin. Suksese të mëtejshme në Europa League. Faleminderit për emocionet që na dhuruat!
Sot ishte një Shqipëri futbolli. Një Shqipëri që shkëlqen. Shqipëri që jep shpresë….
Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.
Na ndiqni:
