City po përgatitet për një prezantim spektakolar të Messit në Etihad

Presidenti i Barcelonës, Josep Maria Bartomeu dhe babai i Lionel Messit, Jorge, pritet të takohen të mërkurën – raporton Mundo Deportivo.Situata në mes të lojtarit dhe klubit është e tensionuar, pasi argjentinasi ka kërkuar ndërprerjen e kontratës, ndërkohë që të dielën refuzoi të merrte pjesë në testimet për COVID-19, rrjedhimisht nuk do të jetë pjesëmarrës në stërvitjet e të hënës.

Argentinasi dëshiron që klubi ta respektojë klauzolën e tij për ndërprerjen e kontratës në çdo fundsezoni (e cila ka skaduar më 10 qershor) duke iu referuar faktit se sezoni është zgjatur për shkak të pandemisë dhe ashtu duhej të ndodhte edhe me klauzolën.


Fjalia e vendosur në kontratë dhe e firmosur nga të dy palët është kjo: “Ky dëmshpërblim (700 mln euro) nuk do të aplikohet kur prishja e kontratës për vendim unilateral nga futbollisti do të ketë efekt në fund të sezonit 2019-2020”Pra, e thënë në fjalë të tjera: Leo Messi ka vepruar në mënyrën më korrekte të mundshme pas 3 sezonesh te Barcelona dhe Bartomeu e La Liga po mundohen të “manipulojnë” dokumentet.  

Ndersa eshtë duke u raportuar se Lionel Messi pritet që shumë shpejtë do të prezantohet te Manchester City.Pasi dorëzoi letrën për largim të martën e kësaj jave në zyrat e Barcelonës, ylli argjentinas po punon në kalimin e tij te Citizens.

Sipas asaj që raporton gazetari i Esporte Interativo, Marcelo Bechler, klubi anglez po i bën përgatitjet për një prezantim sa më spektakolar të gjashtë herë fituesit të Topit të Artë.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.