VIDEO – Dardanët munden në Prishtinë, Greqia merr një fitore të rëndësishme për Ligën e Kombeve…

Kosova ka humbur ndaj Greqisë në Prishtinë.Në ndeshjen e vlefshme për Ligën e Kombeve, grekët kanë ndëshkuar dy herë vendasit. Që në minutën e 3-të Limnios tentoi dy herë për të mposhtur në fund Ujkanin dhe për të kaluar të vetit në avantash.


FT| KOSOVË-GREQI 1-2

Bernard Berisha 82’/ Limnios 2′, Siovas 51

Por më pas goli i dytë do të vinte nga stoli, teksa Dimitris Siovas që zëvendësoi Stafylidisin në minutën e 40-të, gjeti rrjetën pas vetëm 11 minutash në fushë. Kosovarët u kujtuan vonë me Bernard Berishën ish lojtari i Skenderbeut i cili shënoi golin e nderit por pa mundur të evitojë humbjen e kombëtares së tij.

Në ndeshjen e parë Kosova barazoi ndaj Moldavisë, kurse Greqia po ashtu në Sloveni.

Duket se helenët e kanë studiuar mirë sfidën ndaj Kosovës duke menduar vetëm për ndeshjen dhe jo tensionet e mundshme në një përballje tipike shqiptaro- greke. Tashmë në grupin C, kryesuese janë Slovenia dhe Greqia, kurse Kosova me Moldavinë mbajnë vendin fundit.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.