Një autobus pasagjerësh është përfshirë nga flakët pasditen e sotme në autostradën Kavajë-Lushnje.Sipas informacionit paraprak të dhënë nga policia dyshohet se si pasojë e një difekti teknik ka marrë flakë në lëvizje mjeti minibus me drejtues shtetasin L.D.. Mësohet si si pasojë e flakëve ka vetëm dëme materiale,por zjarri ka përparuar me shpejtësi duke djegur thuajse gjysmën e autobusit, përpara se në vendin e ngjarjes të mbërrinte zjarrfikësja.
Incidenti ka shkaktuar trafik në këtë aks, që gjatë kësaj fundjave ka qenë i mbingarkuar për shkak të pushuesve të shumtë drejt bregdetit.
Njoftimi i policisë:
Kavajë/Informacion paraprak
Në Kavajë, dyshohet se si pasojë e një difekti teknik ka marrë flak në lëvizje mjeti minibus me drejtues shtetasin L. D., ku ka vetëm dëme materiale.
Sherbimet e zjarrfikses ndodhen në vendngjarje dhe bënë të mundur fikjen e zjarrit.
Vijon puna nga Grupi Hetimor për sqarimin e plotë e rrethanave të ngjarjes.
