Një situatë e pazakontë ka ndodhur në një nga rrugët e Stambollit. Një qen i është vënë pas ambulancës për disa minuta, pasi në të ndodhej pronarja e tij e cila ishte e sëmurë dhe po transportohej për në spital. Ndonëse mjeku nuk e lejoi qenin që të futej brenda në ambulancë, ai e ka ndjekur nga pas duke përshkruar kilometra të tërë. Kur pronarja u fut në spital, qeni i qëndroi sërish besnik duke qëndruar pas derës kryesore të godinës së spitalit.