Fshati Greçalli në Fier është tronditur sot nga një ngjarje horror, ku një i mitur vetëm 8 vjeç është vrarë dhe më pas është groposur në banesën e fqinjit të tij 38-vjeçar, Klodian Çalamani.Gjatë një prononcimi të shkurtër për mediat, daja i vogëlushit me lot në sy ka treguar momentin kur mori vesh lajmin e rëndë. Ai tha se do të kërkojë drejtësi ose në të kundër do të detyrohet që të vendosë drejtësi me duart e tija.

“Është nipi im. Mbrëmë më ka treguar motra. Nuk e dija që ishte i dhunshëm, më ka treguar motra që është dënuar më përpara. Ky është shteti, cfarë të bëjmë? Do të kërkojmë drejtësi…Do ta varrim si qen!” tha daja i viktimës.