Policia Rrugore, në zbatim të Planit Operacional të hartuar pas analizës së tremujorit të parë të Drejtorisë së Policisë Rrugore, ka vijuar kontrollet për evidentimin dhe ndëshkimin e shkelësve të Kodit Rrugor, me qëllim rritjen e parametrave të sigurisë rrugore. Gjatë javës që lamë pas, nga këto struktura janë arrestuar në flagrancë 6 shtetas, 5 prej tyre për veprën penale “Drejtimi i automjeteve në mënyrë të parregullt” dhe 1 tjetër për veprën penale “Shkelja e rregullave të qarkullimit rrugor”.
Janë proceduar administrativisht gjithsej 697 drejtues mjetesh📝 5 drejtues mjetesh janë proceduar administrativisht për drejtim mjeti nën efektin e alkoolit. 70 drejtues mjetesh janë proceduar administrativisht për mosvendosjen e rripit të sigurimit dhe 5 të tjerë për përdorim të celularit gjatë drejtimit të mjetit.
Janë vendosur 170 masa administrative për ndalim/qendrim të gabuar të mjetit.
Janë tërhequr gjithsej 19 leje drejtimi, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
Janë vendosur 383 masa administrative, për shkelje të tjera, të ndryshme.
Sektori i Policisë Rrugore në DVP Korçë do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e ngjarjeve rrugore. Për_më_shumë_siguri_rrugore👮🚓
