Janë miratuar me shumicë votash në parim dhe nen për nen, ndryshimet statutore që lidhen me organet drejtuese të Partisë Demokratike. 22 Maj dita kur do të zhvillohen zgjedhjet për kreun e Partisë Demokratike, procesi do të zhvillohet në të njëjtën kohë në të gjitha degët e PD-së. Sipas kryetarit të komisonit të punimeve të Kuvendit, Belind Këllicci, risi është përfshirja në kuota të dedikuara të diasporës e emigracionit në Këshillin Kombëtar të PD.
“Menjëherë pas hyrjes në fuqi të këtij Statuti dhe deri në përfundim të zgjedhjes së Kryesisë së PDSH, drejtimi ekzekutiv i partisë bëhet nga Komisioni i Përkohshëm i Rithemelimit.
Mandati i Komisionit të Përkohshëm të Rithemelimit, përfundon në momentin që zgjidhet Kryesia e PDSH”, thuhet ne ndryshimin e statutit.
