Sekuestrohet vila me vlerë 200 mijë euro në Pogradec, dy persona e përvetësuan me dokumente false

Një pasuri me vlerë 200 mijë euro është sekuestruar ditën e sotme në Pogradec, pasi dyshohet se është përfituar nëpërmjet falsifikimit të dokumenteve. Ndërtesa është në emër të shtetasve me iniciale A.L 47 vjeç dhe B.A 46 vjeç, të dy banues në Pogradec. Të dy shtetasit nën hetim i kane dhënë para me fajde një qytetari nga Pogradeci. Kur ky i fundit ishte në pamundësi për te shlyer shumen e marre me fajde, dy personat e vene nen hetim ne bashkëpunim me njeri -tjetrin kane falsifikuar një kontrate, e cila kalonte pronësisë e shtëpisë se borxhliut ne emër te tyre.

Njoftimi i policisë:


Vendoset sekuestro preventive mbi një pasuri me vlerë rreth 200 000 euro, që dyshohet se rrjedh nga veprimtaria kriminale e falsifikimit të dokumenteve, e kryer nga 2 shtetas. Specialistët për Hetimin e Krimevetë Komisariatit të Policisë Pogradec, në bashkëpunim me Prokurorinë pranë Gjykatës së Rrethit Gjyqësor Pogradec, si rezultat i punës gjurmuese-hetimore të kryer për evidentimin dhe sekuestrimin e pasurive të përfituara në mënyrë të paligjshme,

si rrjedhojë e veprimtarive kriminale, bënë ekzekutimin e vendimit nr. 269, të datës 18.11.2022, të Gjykatës së Shkallës së Parë Pogradec, e cila ka vendosur sekuestro preventive ndaj një pasurie në pronësi të shtetasve A. L., 47 vjeç dhe B. A., 46 vjeç, të dy banues në Pogradec.

Këta 2 shtetas janë në hetim, për veprat penale “Falsifikimi i dokumenteve” dhe “Pastrimi i produkteve të veprës penale ose veprimtarisë kriminale”, kryer në bashkëpunim, pasi dyshohet se nëpërmjet një kontrate të falsifikuar, kanë përfituar banesën e një shtetasi tjetër, në lagjen nr. 3, Pogradec, banesë me sipërfaqe rreth 300 m² dhe me vlerë rreth 200 000 euro. Vijon puna për gjurmimin, konstatimin dhe sekuestrimin e aseteve të tjera që mund të jenë përfituar në mënyrë të kundërligjshme, nga shtetasit A. L. dhe B. A.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.