Policia i “zbërthen” bagazhin 49-vjeçarit në Rinas, i gjen të fshehura mbi 40 mijë euro….

Policia Kufitare e Rinasit ka proceduar penalisht një 49-vjeçar pasi në bagazh kishte një shumë të konsiderueshme parash të pa deklaruara. Sipas njoftimit të uniformave blu, mësohet se në bagazhet e shtetasit J.M, janë gjetur dhe sekuestruar 42.300 euro, të cilat ai nuk i kishte deklaruar, sipas përcaktimeve ligjore.

Njoftimi i plotë:

Shërbimet e Policisë Kufitare Rinas, në vijim të kontrolleve të shtuara, në dalje kanë kaluar për kontroll të detajuar bagazhet e shtetasit J. M., 49 vjeç, banues në Tiranë. Gjatë kontrollit të bagazheve të këtij shtetasi janë gjetur dhe sekuestruar 42 300 euro, të cilat ai nuk i kishte deklaruar, sipas përcaktimeve ligjore.

Në vijim të veprimeve shtetasi J. M., 49 vjeç, banues në Tiranë, u procedua penalisht dhe ndiqet në gjendje të lirë për veprën penale “Mosdeklarimi në kufi i të hollave dhe i sendeve me vlerë”. Materialet i kanë kaluar për veprime të mëtejshme Prokurorisë së Rrethit Gjyqësor Tiranë.

Leave a Reply

This site uses Akismet to reduce spam. Learn how your comment data is processed.