Policia rrugore bën namin në Korçë: ‘Vendos 967 gjoba gjatë 1 jave dhe 5 heqje patentash…

Kontrolle intensive në të gjithë qarkun duke përdorur radarë dhe dragera, për të evidentuar dhe ndëshkuar shkelësit e Kodit Rrugor, që bëhen rrezik potencial për përfshirje në ngjarje rrugore. Kontrollet intensive, me qëllimin e vetëm, parandalimin e ngjarjeve rrugore me pasoja për jetën dhe shëndetin e përdoruesve të rrugës.

✅Gjatë javës që lamë pas, si rezultat i këtyre kontrolleve, janë pezulluar 5 leje drejtimi.

✅Gjithashtu, janë arrestuar në flagrancë 2 drejtues mjetesh dhe janë proceduar në gjendje të lirë 2 të tjerë për veprat penale “Shkelja e rregullave të qarkullimit rrugor” dhe “Drejtimi i mjetit në mënyrë të parregullt”.

✅39 drejtues mjetesh janë ndëshkuar për mosvendosje të rripit të sigurimit.

✅423 masa administrative për tejkalim të shpejtësisë së lejuar, evidentuar me radar.

✅Janë ndëshkuar 100 drejtues mjetesh për parkime të gabura.

✅Janë ndëshkuar 405 të tjerë për shkelje të ndryshme të Kodit Rrugor.

Sektori i Policisë Rrugore ka marrë masa edhe për mbarëvajtjen e edicionit të 12-të, të Konkursit Kombëtar Edukativ “Të sigurt mbi dy rrota”, të zhvilluar nga Auto Club Albania me pjesëmarrjen e dhjetra fëmijëve të moshës 10-12 vjeç, të cilët lëviznin me biçikleta. Policia e Rrugore e Korçës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit dhe të mos kryejnë parakalime të gabuara.

Leave a Reply

This site uses Akismet to reduce spam. Learn how your comment data is processed.