Një 22-vjeçare shqiptare ka rënë në prangat e policisë së Selanikut. Sipas mediave vendase mësohet se e reja shqiptare akuzohet se ka lënë në makinë vetëm për 40 minuta foshnjën e saj katër muajshme. Ajo e kyçi foshnjen në makinë për të bërë pazare me shoqen e saj 27-vjeçare me origjinë shqiptare. Protothema.gr raporton se foshnja e kyçyr në makinën e parkuar u pikas nga një një kalimtar, i cili njoftoi policinë. Sipas dëshmisë së tij, foshnja kishte qenë për të paktën 40 minuta e mbyllur në makinë, me dritare gjysmë të hapura para një dyqani.
22-vjeçarja ka dalë sot para gjykatës ku është shpallur fajtore për pakujdesi dhe ekspozim në rrezik të fëmijës së saj. Ajo është paralajmëruar se nëse ndodh sërish diçka e tillë do të dënohet me burg.
E reja ttha se vonesa kishte ndodhur për shkak se në dyqanin ku ishte futur për të blerë diçka, kishte pasur shumë radhë.
“Bëra një gabim të madh, kërkoj shumë falje. E mora me vete sepse nuk kisha ku ta lija. E lashë në makinë sepse e ushqeja me gji gjatë gjithë rrugës. Fëmija ishte i lodhur. Kur arritëm atje e zuri gjumi. Shkova për të marrë disa gjëra dhe do të kthehesha shpejt. Në arkë kishte shumë njerëz, prandaj u vonova”, tha 22-vjeçrja në gjuhën shqipe për mediet greke.
