Ka 18 vite në krye të Bashkisë, Filo nuk e do këtë që po bën por i është nëntruar diktaturës…

Nga Klajdi Pllaha:

Gjithçka fillon nga demokracia (ose mungesa e saj) Në një shtet të së drejtës pushtetet janë të pavarur, media e lirë, administrata jopolitike dhe institucionet funksionojnë në bazë të ligjeve Jo të vullnetit të një njeriu.

Por në Shqipëri dalëngadalë shteti, në çdo instancë të tij, është unifikuar me partinë dhe partia me liderin suprem. Tani Ramsi IV, vendos me një deklaratë publike se qindra punonjës të administratës duhet të japin dorëheqjen për “arsye personale” e të gjithë binden.

Pastaj vendos “lirimin e hapësirave publike”, pa vënë asnjë kriter, pa pyetur se sa biznese shkatërron e pa marrë parasysh se vetë shteti i ka lejuar, madje stimuluar për të përdorur këto hapësira kundrejt pagesës. Tani do e ndjeni direkt në kurriz…

Sigurisht një lloj rregulli duhet, por rregulli nuk vihet me aksione në pikun e sezonit turistik, por duke funksionuar institucionet ditë pas dite (dhe ju keni 18 vjet në krye të Bashkisë). Unë jam i bindur se vetë kryetari i bashkisë nuk e do këtë që po bën, por mesa duket ai është dorëzuar që është vartës i partisë dhe jo i zgjedhuri i qytetarve.

Si gjithë të tjerët, i është dorëzuar diktaturës.

Po kjo është një diktaturë, dhe do bëhet sa vjen e më e egër. Ju pata paralajmëruar para disa muajsh, por ju sërisht e votuat. Pjesa më e madhe e trembur mos humbte punën në administratë (edhe kur kjo nuk varej ligjërisht nga pushteti qëndror), një pjesë duke parë atë rehatin e vogël personal e të tjerë duke u gënjyer nga media e shitur.
Ajo që ngelet për të parë tani është

  • A do gjendet një mënyrë për të lejuar bizneset të punojnë duke shfrytëzuar hapësirën publike në formë më pak invazive?
  • A do trajnohen të gjithë njësoj apo miqtë e partisë do tolerohen si gjithmonë?
    Dhe çka është më e rëndësishme për mua:
  • A do bëheni bashkë të reagoni apo vazhdoni me shprehjen e vjetër Shqiptare “meqë më ngordhi lopa mua le t’i ngordhë e komshiut”

Kur diktatura instalohet nga lart, reagimi duhet të fillojë nga poshtë!

Fotocredit Xhensil Shkëmbi BashkiaKorçë klajdipllaha diktatura2030

Leave a Reply

This site uses Akismet to reduce spam. Learn how your comment data is processed.