Liverpooli duhet t’i falënderohet Jurgen Kloppit që ia ka kthyer nderin dhe krenarinë si klub, derisa në dy vitet e fundit po fitojnë pothuajse çdo trofe.Në sezonin e kaluar, The Reds e fituan Ligën e Kampionëve, derisa tani janë afër që ta fitojnë edhe titullin e Ligës Premier pas më shumë se tri dekadash.

Por, si u bë Liverpooli, skuadra më e mirë në Evropë aktualisht?

Në sezonin 2015/16 kishte lojtarë si Simon Mignoelt, Kolo Toure, Alberto Moreno, Emre Can, dhe Daniele Sturridge.

Klopp në sezonin 2016/17 kishte ndryshuar paksa skemën e tij dhe kishte futur lojtarë si Joel Matip, Lcas Leiva, Georginio Wijnaldum dhe Sadio Mane, që treguan se po ngriteshin si skuadër.

Në 2017/18, trajneri gjerman kishte një skuadër të frikshme me lojtarët si, Trent Alexander-Arnold, Virgil van Dijk, Andy Robertson, Jordan Henderson dhe Mohamed Salah, të futur si të ri. Ky formacion ia siguroi finalen e Ligës së Kampionëve të cilën e humëb ndaj Real Madridit në Kiev.

Në edicionin 2018/19, Alisson Becker kishte larguar Simon Mignoletin dhe Loris Kariusin nga Liverpooli, derisa në formacion u fut edhe Fabinho. Nga këtu, ata arritën të fitonin Ligën e Kampionëve në Madrid kundër Tottenham Hotspurit.

Në sezonin 2019/20, The Reds janë shumë afër ta fitojnë Ligën Premier pas më shumë se 30 vitesh, derisa shihen edhe si favorit për ta mbrojtur titullin evropian.

Rikthehet sonte magjia e Champions League, teksa në mbrëmje luhen dy supesfida, të vlefshme për fazën e 1/8-ve të këtij kompeticioni. Atletico Madridi pret Liverpollin, ndërsa PSG-ja do sfidojë Dordmundin.

Pikërisht sot, në faqen e “Champions” në “Twitter” është prezantuar topi që do përdoret gjatë kësaj faze. Sfera do të jetë e frymëzuar nga qyteti i Stambollit, ku do zhvillohet edhe finalja e madhe e këtij viti.

Yjet do të jenë të bardhë dhe në sfond do të jetë harta e qytetit të Stambollit, ku nuk mungojnë edhe vendet karakteristike të qytetit.

Prej dekadash UEFA ia ka besuar “Adidas” prodhimin e topit të këtij kompeticioni, me kompaninë gjermane që nuk del kurrë nga karakteristikat origjinale të sferës.

Etrit Berisha është duke kaluar një sezon mjaft të mirë me skuadrën e SPAL. Portieri i Kombëtares së Shqipërisë është zgjedhja e parë në skuadrën e tij, dhe besimin e trajnerit po arrin ta justifikojë mjaft mirë.

Sipas statistikave të ‘OptaPaolo’, Berisha është portieri me më së shumti pritje në Serie A. Gardiani i kombëtares shqiptare, ka regjistruar plot 102 pritje gjatë këtij sezoni në kampionatin elitar të fubollit italian.

Formë të lartë po kalon edhe shoku i tij te Kombëtarja e Shqipërisë, Thomas Strakosha, i cili luan me Lazio, po ashtu në Serie A. Konkurrenca për titullarin te kombëtarja ‘Kuqezi’ do të jetë e fortë.

 

Skënderbeu me barazimin e marrë në kryeqytet përballë Tiranës në ndeshjen e javës së 22-të të sezonit tregoi edhe një herë se nuk është një ekip lehtësisht i kalueshëm, por një skuadër që ndaj të mëdhave nxjerr fytyrën e vet të vërtetë.

Barazimi në transfertë, por mbi të gjitha, loja e mirë që zhvilluan korçarët sidomos në pjesën e parë të takimit, i dha të drejtë trajnerit Ilir Daja, i cili vazhdimisht ka përsëritur se problemi i Skënderbeut mbetet përqendrimi ndaj ekipeve, në letër të vogla. Ndërsa me ekipet e mëdha korçarët kanë marrë ndoshta më të mirën nga ky sezon. Nëse do t’u referohemi statistikave të këtij sezoni, kuptojmë se bardhekuqtë kanë bërë mjaft mirë me kryesuesit e kampionatit, por edhe me kampionët në fuqi të Partizanit.

Duke nisur nga bardheblutë, në ndeshjen direkte Skënderbeu ka humbur një herë në transfertë, ka fituar në shtëpi përballë Tiranës dhe ka marrë një barazim në transfertë, ndërsa ka për të luajtur edhe ndeshjen e fazës së katërt në shtëpinë e vet. Nëse do t’u referohemi përballjeve me Kukësin, në dy takimet e luajtura në pjesën e parë të kampionatit, korçarët kanë barazuar dy herë.

Fillimisht në shtëpi dhe më pas në transfertë. Barazim mund të quhen përballjet edhe me Partizanin. Skënderbeu është mundur në Tiranë nga të kuqtë, por ka fituar në Korçë në një ndeshje të dominuar totalisht nga fillimi në fund të takimit. Rezultate këto që të lënë të dalësh në përfundimin se korçarët vijojnë të jenë një ekip i fortë dhe me peshë fanelle, pavarësisht problemeve me të cilat është dashur të përballet.

PROBLEMET – Në ndeshjet e lehta në letër apo pa ndonjë peshë, Skënderbeu në këtë sezon ka filluar të ketë probleme. Ajo që Daja ka përsëritur shpesh është mungesa e përqendrimit dhe mosmotivimi i duhur nga ana e të tijve në një takim, qoftë ky në shtëpi apo edhe në transfertë. Të gjitha këto fjalë marrin kuptim nëse shohim ndeshjet me Vllazninë. Dy takime të humbura nga Skënderbeu, i pari turpshëm në Shkodër dhe i dyti në shtëpi.

Edhe ndaj Bylisit korçarët kanë fituar një ndeshje, kanë humbur një tjetër dhe kanë barazuar ndeshjen e tretë. E si për t’i mbyllur si duhet statistikat, janë dy takimet me Luftëtarin. Në ndeshjen e parë në Korçë takimi është zgjidhur vetëm në minutat e fundit mes shumë vuajtjesh, ndërsa ndeshjen e fazës së dytë bardhekuqtë e kanë humbur përballë bluzinjve. Luhatje që duket se kanë peshën kryesore se pse Skënderbeu ndodhet në atë pozicion në renditje.

STËRVITJA – Pas barazimit në kampionat përballë Tiranës të luajtur në kryeqytet korçarët nuk kanë humbur kohë dhe menjëherë kanë filluar përgatitjet për ndeshjen e radhës në shtëpi përballë Teutës. Prej ditës së djeshme një pjesë e ekipit është kthyer në Korçë për të qenë gati për ndeshjen e radhës, ndërsa sot pritet që të bashkohet edhe pjesa tjetër e ekipit.

Në kushte të tilla, trajneri Ilir Daja duket se do të zhvillojë sot seancën e parë përgatitore për ndeshjen e së shtunës ku do të ketë një ekip të kompletuar në dispozicion. Ajo që korçarët presin është një lajm i mirë nga infermieria në lidhje me gjendjen e Krasniqit dhe të Ditës që ka pasur shqetësime në dy takimet e fundit, por mbi të gjitha një rikuperim të mundshëm të Ndekit për ndeshjen e fundjavës. Rikthimi i senegalezit do të ishte me mjaft vlera për Skënderbeun.Panorama Sport

Skënderbeu ka arritur që të ndalë Tiranën e Egbos, që vinte pas shumë fitore radhazi, me zanafillën që nisi pas fitores në derbin me Partizanin duke mbyllur kështu serinë radhazi të fitoreve në drejtimin e Egbos.Kronika e ndeshjes, regjistron episode që e bëjnë ‘Skënderbeun’ fitimtar, edhe në barazimin 1-1 në transfertë.Loja në grup, shpirti i garës,harmonika…. dhe ‘pickimi’ i kundërsulmit…ndalën  Tiranën me një strategji brilante të Ilir Dajës.

Thumbime ka në distancë mes tifozerive, ndërsa mbështetësit e Tiranës kanë refuzuar të përmendin emrin e Skënderbeut, duke e quajtur me “kërnacka”. Në të njëjtën monedhë kanë reaguar edhe “UED” në përfundimin e takimit, teksa emrin e bardhebluve e kanë zëvendësuar me “degjenerata”.

Interesi ka qene i madh nga tifozëvet për ndeshjen e djeshme.Kanë qenë pak më shumë se 4000 tifozë të pranishëm në stadiumin “Air Albania”, për të ndjekur sfidën mes dy skuadrave. Rreth 500 tifozë ishin ne mbështetje te bardheekuqve.

View this post on Instagram

A post shared by KorcaBlog.com | News & Media Web (@korcablog.com_)

Mikpritësi Refik Halili dhe miku Ardian Takaj ishin të pranishëm në stadium për të ndjekur takimin e djeshëm mes bardhebluve dhe korçarëve.

Meksi ndjek hap pas hapi në të gjithë fushën Agustin Torasën, duke iu kthyer në makth argjentinasit.

Në minutën e 44-t tifozët e Tiranës nuk e lëshojnë topin, duke sjellë vonesën e lojës për 20 sekonda.

Por cili ishte sekreti i këtij barazimi? Me gjendjen që u kthye Tirana pas Egbos, Për të gjetur pikën e fortë të Dajës, duhet të ndalemi tek një 19-vjeçar.

Bëhet fjalë për Agon Elezin, që ishte “Agonia” e Torrasës ndaj Skënderbeut. Gjithmonë e kemi parë këtë lojtar të Tiranës që t’i jap frymë sulmit dhe të krijojë raste para portës kundërshtare, por detyrën për ta mbyllur dhe për ta markuar, Elezi e realizoi në perfeksion. Shiritin e kapitenit e ka mbajtur edhe te moshat e Maqedonisë së Veriut, por kthimi në një lojtar kyç për korçarët dhe duke parë moshën, padyshim që është një arritje më vete.

View this post on Instagram

A post shared by KorcaBlog.com | News & Media Web (@korcablog.com_)

Tefik Osmani vazhdon e luan me këpucët e kuqe, që kontestuan tifozët në ndeshjen e Kupës së Shqipërisë.

Si Agustin Torasa, Majkëll Ngo dhe Elton Kale nuk e kanë pëlqyer zëvendësimin dhe në forma jo të hapura e kanë shprehur pas ndërrimit. Elton Kale nuk ka dashur që të flasë për mediat pas ndeshjes, por ka pranuar se topi ka qenë i ndalur dhe nuk ka pasur lëvizje. Ai gjithashtu është sqaruar gjatë edhe me Koliçin, ish-shokun e skuadrës së sezonit të shkuar, për golin e shënuar në minutën e 80-të.

Lojtarët e Skënderbeut janë ankuar në minutën e 93-të, sepse lojtarët e Tiranës nuk kanë respektuar “fair-play”- n pas një nxjerrjeje të topit jashtë nga Imami, pasi Krasniqi ishte i dëmtuar në kokë. Bardheblutë nuk e kthyen topin, por vazhduan lojën.

Trajneri i Skënderbeut, Ilir Daja, ka folur pas sfidës kundër Tiranës, për mikrofonin e “Supersport”. Ai është shprehur se skuadra e tij ka luajtur në mënyre shumë të mirë, dhe mund të ishte marrë trepikëshi me rastin e Gripshit në fund.

1 pikë e fituar apo 2 pikë të lëna? “Unë do të thoja të dyja bashkë. Me rastin që kishim në fund mund të fitonim. Dita dhe Bregu kanë bërë stërvitje të diferencuar. Ndërsa Krasniqi ka pasur problem. Gripshi ka bërë rolin e xholit sot, dhe kalova Ditën në mesin e fushës. Përballë ksihim një ekip të fortë si Tirana. Nëse Gripshi do tregohej më fanatik, mund të kishim marrë trepikëshin”.

Motivim ndaj skuadrat e mëdha? “Është konstatim i saktë, në pjesën e parë të kampionatit. Ndërsa në fazën e dytë, kanë qënë të gjithë lojtarët në impenjim maksimal dhe shpresoj të vazhdojmë kështu”.

Elezi? “Është një djalë që ka fituar vendin e titullarit nga stërvitja dhe mënyra si luan. Është një pikë e fortë për ekipin tonë. Ai markon shumë mirë, dhe kur ndërtojmë nga mbrojtja ka aftësi shumë të mira për të ndërtuar”.

Si ish-bardheblu çfarë ndjesie keni që i dhatë asist Kukësit dhe çfarë i thatë Gripshit? “Nuk i kam thënë gjë Gripshit, i kam përgëzuar. Nuk isha dakord me Krasniqin që të futej në lojë. Gripshi kërkoi të na jepte pikë, por është i justifikuar, pasi ka luajtur në shumë pozicione. Unë kam pasur dëshirë të fitoj me çdo ekip që kam përballë. Mentaliteti i fituesit vazhdon për mua dhe dua të vazhdojë kështu. Unë do bëja tifo për Skënderbeun, kush do ta fitojë do ta tregojë vazhdimi, në lojë është dhe Partizani, por më mirë titullin ta marrë ai që e meriton”.

Çfarë mund të bëhej diçka më mire? “Përsa i përket mbrojtësve anësore, mund të kishin punuar më mirë në sulm. Nëse do kishim një zotërim të mirë në mesfushë, mund të shtynim me të dy mbrojtësit në sulm. Ata duhet të ishin më fanatik në shtyrje”.

Daja apo Pëllumbi? “Të dy luajtën shumë mirë, por ka një podium për të dy në vendin e parë”.

Skënderbeu u ka dhënë fund përgatitjeve për ndeshjen e radhës në kampionat përballë Tiranës me një seancë stërvitore të zhvilluar në “Tropikal Resort” në Durrës.Trajneri Ilir Daja duket se në këtë seancë të fundit në prag të këtij takimi i ka dhënë dorën e fundit ekipit, duke u munduar të mbyllë edhe formacionin me të cilin ekipi do të zbresë në fushë. Me mungesat dhe dilemat korçarët duket se do të ruajnë në pjesën më të madhe 11-shin që ka filluar si titullar takimin me Bylisin.

Në portë, pritet të luajë Koliçi ndërsa para tij është gati katërshja e formuar nga Meksi dhe Imami në krah e Dita me Pollozhanin në qendër për të mbyllur hapësirat e ofensivës bardheblu.

Në mesin e fushës Taipi dhe Elezi janë gati për një fanellë titullari, teksa një prej tyre duhet të zgjidhë balotazhin me Dajën, pasi në versionin që ka kryepankina e Skënderbeut, mund të hedhë edhe Pëllumbin në prapavijë dhe të spostojë Ditën në mesfushë. Në repartin e sulmit duket se gjithçka mbahet peng nga Krasniqi.

Në pritje të tij, Gripshi nga e djathta dhe Bregu në të majtë do të mbështesin sulmuesin e parë, që në varësi të zgjedhjeve do të jetë një mes Pusit ose Krasniqit.

Ndeshje në total: 148

Fitore, Tirana: 66

Barazime: 46

Fitore, Skënderbeu: 36

Golavarazhi: 218-136

Pikët aktuale: 40-28

Fitorja e fundit e Tiranës: 14 shtator 2019, 3-1

– Tirana nga ana e saj ka statistikat në favor kundër Skënderbeut. Bardheblutë nuk munden nga korçarët prej 25 prillit 2016, në shtëpinë e tyre.

– Në këtë kampionat, Tirana fitoi në shtëpi 3-1 me korçarët, ndërsa më 23 nëntor Skënderbeu fitoi në Korçë.

-Gjergj Muzaka, Marvin Turtulli, Asion Daja, Marlind Nuriu, Eni Imami janë lojtarët që kanë një të shkuar si bardheblu, ndërsa Tefik Osmani, Kristi Vangjeli kthehen në Korçë me statusin e ish-ëve.

Tirana nuk njeh asnjë rezultat tjetër përveç fitoreve me Emanuel Egbo në stol, ndërsa testi i radhës i bardhebluve do të jetë nesër pasdite ndaj Skënderbeut dhe trajneri doli sot në konferencën e zakonshme për shtyp.

Ai vlerësoi Skuadren Korcare dhe trajnerin Daja, por theksoi se skuadra e ka përgatitur mirë ndeshjen e nesërme dhe se beson te një rezultat pozitiv .

Si e keni përgatitur ndeshjen me Skënderbeun?
Të gjitha ndeshjet janë në një nivel të vështirë. Edhe ndeshja me Luftëtarin dhe Flamurtarin janë të njëjta si kjo me Skënderbeun. Çdo ndeshje duhet të vlerësohet maksimalisht. Çunat dhe ekipi janë gati që të japin 100% në fushën e lojës.

Keni planifikuar të lini pushim ndonjë prej titullarëve?
Nuk më vjen mirë kur flitet për titullarët. Siç e kam thënë, të gjithë lojtarët brenda në këtë ekip, janë titullarë. Nuk ka rëndësi se kush e nis. Ka disa lojtarë që kanë luajtur shumë ndeshje bashkë dhe nuk mund t’i quaj titullarë, por lojtarë që rastis të nisin ndeshjen. Nuk ka ekip i parë dhe ekip i dytë te Tirana. Janë lojtarë të gatshëm në çdo ndeshje.

Cilat mendoni se janë pikat e dobëta të Skënderbeut?
Ne gjithmonë shohim lojën tonë dhe unë merrem me ekipin tim. E vlerësojmë Skënderbeun, pasi kanë një trajner të mirë dhe lojtarë që kanë luajtur bashkë për disa vjet. Ndeshje është vlerësuar maksimalisht.

Ju tremb fakti që në ndeshjen e kaluar në Korçë keni humbur?
Po kemi fituar në Tiranë 3-1 dhe humbëm në Korçë 2-1. Nuk ka rëndësi çfarë ka ndodhur, shohim përpara. Nëse lojtarët luftojnë për çdo top dhe japin maksimumin do marrim atë që meritojmë.

A do t’ju shërbente një lojtar si Bruno Dita? 
Unë flas për lojtarë që kam. Dita është një lojtar i mirë, është një armë plus për atë ekip që e ka. Nuk flas për lojtarët që s’kam në ekip.

A prisni një ndeshje me shumë gola nesër?
Besoj se Tirana di të krijojë raste dhe të shënojë. Kemi biseduar me lojtarët që nëse mbajmë zero mbrapa, mund të shënojmë gola. Skënderbeu dhe ne luajmë hapur. Ai që bën më pak gabime do marrë maksimumin e ndeshjes.

Nëse te Skënderbeu janë duke vuajtur për pjesën e mos konkretizimit të rasteve, atëherë duhet të përgatiten edhe për një situatë më të vështirë. Kjo pasi llogaritë me Dejvi Bregun nuk do të bëhen për shumë gjatë.

Madje ndeshja e sotme për Kupën e Shqipërisë ndaj Besës së Kavajës, pritet të jetë e fundit për të në shtëpi. Më pas Skënderbeu do të ketë edhe një provë shumë të vështirë në transfertë ndaj Tiranës, që zhvillohet në kryeqytet dhe në datën 15 shkurt.

Këtu pritet të vijë edhe largimi përfundimtar i lojtarit, për të nisur një aventurë të re në Rusi. Në këtë vend merkato mbyllet në datën 21 shkurt, ndërsa korçarët e kanë arritur marrëveshjen me klubin që ende nuk mësohet, por do ta mbajnë deri në limitet e lëvizjeve së transferimeve. Padyshim që kjo do të jetë mangësi e madhe për korçarët, pasi Bregu ka vlera të mëdha. /Sport Ekspres/

U luajtën ditën e sotme, takimet e kthimit të vlefshme për fazën e 1/8-ve të Kupës së Shqipërisë. Nuk mund të mungonin surprizat. Teksa në Grupin B, vëmendja ishte te sfida mes Laçit dhe Bylisit. Pavarësisht triumfit 3-2 të kurbinasve, është skuadra ballshiote ajo që kalon në turin çerekfinal, për shkak të fitores 2-0, në sfidën e parë.

Për sa i përket sfidave të tjera, nuk ka pasur surpriza. Kukësi dhe Skënderbeu kanë bërë detyrën në shtëpi, duke mos lëshuar pe ndaj Lushnjës dhe Besës, ndërkohë që përballja mes Luftëtarit dhe Apolonisë u mbyll në barazim pa gola, teksa janë fierakët atë që kalojnë më tej.

Skenderbeu do të ndeshet ne çerekfinale me skuadren e Bylisit.

REZULTATET:

SKËNDERBEU-BESA (2-0) 1-0

Mensah 39′

KUKËSI-LUSHNJA (1-0) 3-0

Rroca 47′ , Gotberg Kuper 50′ , 88′

LAÇI-BYLISI (0-2) 3-2

Greca 18′ , Nuabueze 57′ (p), Xhixha 90+4′ / Hidi 59′ (p), Guindo 70′

LUFTËTARI-APOLONIA (0-3) 0-0

Nuk mund të mungonin surprizat në Grupin A, Partizani nuk ia ka dalë të përmbysë Besëlidhjan. Pavarësisht triumfit 3-1 në sfidën e sotme, skuadra e Sormanit është eliminuar, për shkak të humbjes 3-0 në sfidën e parë.

Partizani-Besëlidhja (0-3) 3-1

Telushi 9′, 20 (p), 84’/ Hajdari 5′

Flamurtari-Vllaznia (2-2) 0-2

Silvio Rodrigez Zhunior 28′ (p), 74′

Teuta-Erzeni (3-1) 3-1

Hoxha 47′, Kalaja 75′ (p), Beqaj 90+3 (p) / Xhixhua 8′

Tirana-Kastrioti (3-1) 4-0

Halili 13′, Beshiraj 19′, Morina 62′, Kraja 78′

Çiftet çerekfinaliste :

Bylis – Skënderbeu

Apolonia – Kukësi

Tirana – Besëlidhja

Vllaznia – Teuta

Besëlidhja shmangu një… sfide si Tirana-Partizani

 

 

Barazimi me Bylisin nuk ishte nota e vetme negative e Skënderbeut në këtë moment. Sikur të mos mjaftonte humbja e dy pikëve në një ndeshje e cila duhet të ishte fituar, probleme të reja shtohen për trajnerin Ilir Daja në pritje të transfertës delikate përballë Tiranës. Skënderbeu duket se do të humbë sërish dy pjesë të rëndësishme të sulmit të vet, duke bërë që faza ofensive të jetë në emergjencë të plotë.

Bëhet fjalë për mungesën e Blerim Krasniqit dhe Zhan Ndekit, të cilët nuk do të jenë të pranishëm me shumë mundësi në dy ndeshjet e radhës, qoftë në Kupë kundër Besës, ashtu edhe në kampionat kundër Tiranës. Mungesa të cilat u ndjenë jo pak në radhët e korçarëve në ndeshjen e fundit të barazuar në shtëpi përballë Bylisit.

Krasniqi – Pa dyshim që mungesa më e madhe prej javësh te Skënderbeu është ajo e Blerim Krasniqit. Sulmuesi kavajas i Skënderbeut vazhdon të ketë problem me tërheqjen muskulore dhe ende nuk duket se është gati për t’u bashkuar plotësisht nën urdhrat e trajnerit bardhekuq. Pavarësisht se prej ditësh shtatlarti i Skënderbeut është bashkuar me grupin duke kryer një pjesë të stërvitjes me ekipin, problemet për të vazhdojnë. Nga sa bëhet me dije, lojtari ka vështirësi për të vrapuar, dhe për sa kohë është duke vijuar me ritëm normal, gjithçka duket pa probleme. Por në momentin kur duhet të përdorë më shumë se 80% të shpejtësisë së tij në një sprint, atëherë problemet shfaqen. Kjo kushtëzon prezencën e tij në fushë për ndeshjet e radhës, pasi edhe stafi teknik nuk kërkon të rrezikojë jo vetëm një dëmtim më të madh, por edhe një zëvendësim të detyruar pas disa minutash loje.

Ndeki – Ndryshe qëndron situata për Zhan Ndekin. Senegalezi mungoi në ndeshjen ndaj Bylisit për shkak të gjendjes gripale e cila tashmë duket se ka kaluar, por një tjetër problem ka dalë për lojtarin. 22-vjeçari ka shfaqur shenja dhimbjeje në fundin e muskujve të barkut. Dëmtim ky i cili duket se është shkaktuar nga terreni shumë i butë si pasojë e shkrirjes së borës në fushë. Një dëmtim i tillë duket se kërkon të paktën katër deri në gjashtë ditë për t’u normalizuar që do të përkthehet ndryshe në një mungesë të sigurt ndaj Tiranës.

Formacioni – Me të gjitha këto mungesa, trajneri i Skënderbeut do të ketë nevojë për ndryshime edhe në formacion për ndeshjen ndaj Tiranës. Gjithsesi, përtej alarmit në kampin bardhekuq, trajneri i Skënderbeut nuk kërkon të shohë aq larg deri në ndeshjen me Tiranën që luhet ditën e shtunë. Daja ka kërkuar nga ekipi fokus te takimi i të mërkurës në Kupë ku kundërshtar do të jetë Besa. Pavarësisht se thuajse i kualifikuar pas fitores 0-2 në ndeshjen e parë në transfertë, numri një i pankinës korçare kërkon përqendrim maksimal për të mos ia vështirësuar vetes më shumë pozitën, qoftë kjo edhe në Kupë.Panorama Sport

Juventusi me shume gjasa në verë do të bëjë ndryshime në stafin teknik dhe në krye të ekipit po punohet që të vihet Pep Guardiola.Zonja e Vjetër përveç pëlqimit për trajnerin, do të mundohen t’i ofrojnë edhe disa lojtarë që ai i pëlqen.

Janë një numër i lojtarëve të njohur që kërkojnë largimin nga klubet e tyre dhe me Guardiolan në krye, do të ishte më e lehtë që të ofroheshin në Torino.

SunSport shkruan se Juve po përgatit një ofertë që ta sigurojë marrëveshjen me Guardiolan që në këtë verë.

Nëse Guardiola do të vazhdonte te City edhe një vit, do të qëndronte më gjatë në kët klub se sa te Barcelona dhe Bayern Munich.

Juventusi është një nga klubet më të pasura në botë dhe kanë potencial që të mbyllin disa marrëveshje.

Në krye të listës është Lionel Messi që thuhet se është i pakënaqur me jetën në Barcelonë dhe mundësia për t’u ribashkuar me trajnerin e tij të vjetër mund të nxisë interesim për të.

Ai do ta krijonte një dyshe të madhe me Cristiano Ronaldon.

Po ashtu disa lojtarë aktual si Miralem Pjanic, Paulo Dybala dhe Leonardo Bonucci përshtaten me stilin e lojës së Guardiolas.

Wojciech Szczesny shihet si numër një për portë.

Po ashtu një lojtar që nga Juve aktualisht dhe luan te City është Leroy Sane.

I fundit është Thomas Meunier i Paris Saint-Germain, që kontrata e tij skadon së shpejti me klubin francez.

 

Skënderbeu do të luajë ditën e nesërme me Besën e Kavajës, në ndeshjen e vlefshme për Kupën e Shqipërisë.

Korçarët e fituan ndeshjen e parë me rezultatin 2-0 dhe nesër kualifikimin do ta kenë formalitet.

Megjithatë Daja kërkon përqendrim nga skuadra e tij për këtë ndeshje, teksa më pas shprehet se do të fillojnë përgatitjet për Tiranën.

“Kemi bërë një hap të rëndësishëm në ndeshjen e parë, por Kupa ka një specifikë, që nuk mbyllet me 90 minuta por me 180 minuta.Më pas do të përgatitemi për Tiranën, të cilët vijnë pas një forme të mirë, ashtu si edhe ne. Por ato vijnë nga disa fitore radhazi, ndërsa ne kemi humbur disa pikë.”, u shpreh Daja.

Rike Roci dhe Erjona Sulejmani janë gjithmonë në qendër të vëmendjes.Dy bukuroshet shqiptare njihen si tifoze të çmendura të futbollit dhe në fundjavë ishin së bashku në “San Siro” për të ndjekur derbin Inter – Milan.

Erjona bënte tifo për zikaltrit dhe doli nga ndeshja e gëzuar, ndryshe nga mikja e saj, që ka në zemër Milanin të cilët pësuan një humbje shokuese.

Interi po humbte 0-2 gjatë pjesës së parë, por në 45 minutat e dyta arritën të shënonin katër gola për rezultatin përfundimtar 4-2.

 

Një lajm i trishtë vjen nga Brazili. Legjenda e futbollit, Pele, është duke kaluar një moment të vështirë në jetën e tij.I ndikuar nga gjendja e tij jo e mirë shëndetësore, braziliani ka rënë në depresion dhe nuk dëshiron të shfaqet në publik.Ish-futbollisti i mirënjohur në muajin tetor do t’i mbushë 80 vjet dhe ka nevojë për pajisje ndihmëse që të ecë për shkak të problemit disavjeçar në ije.Në shumicën e paraqitjeve të fundit publike, ai ka qenë në karrocë, ndërsa tashme po turpërohet për gjendjen e tij.Kjo gjë është konfirmuar nga djali i tij Edinjo.

Ai thote :

Pas një transplanti, ai është i brishtë sa i përket lëvizjes. Kjo i shkakton atij një depresion të caktuar, sepse ai nuk mund të ecë mirë, vihet në siklet, sepse nuk dëshirojnë ta shohin në atë gjendje. Në përgjithësi, duke marrë parasysh moshën, ai po shkon mirë, por ai nuk mund të ecë normalisht. Ai ecën vetëm me ndihmën e një shoqëruesi.

Madje mund të them se është përmirësuar, sepse më parë mund të lëvizte vetëm me karrige me rrota. Ai gjithmonë ka qenë një figurë imponuese, ndërsa sot lufton që të ecë. Kjo e frikëson atë, e vë në siklet. Ai ende ka vështirësi të lëvizë , për këtë arsye ai nuk dëshiron të dalë, të shihet. Praktikisht është gjithmonë në shtëpi dhe jeton pothuajse i tërhequr ”.