E trishtë/ Pele ka rënë në depresion, e konfirmon i biri

 

Një lajm i trishtë vjen nga Brazili. Legjenda e futbollit, Pele, është duke kaluar një moment të vështirë në jetën e tij.I ndikuar nga gjendja e tij jo e mirë shëndetësore, braziliani ka rënë në depresion dhe nuk dëshiron të shfaqet në publik.Ish-futbollisti i mirënjohur në muajin tetor do t’i mbushë 80 vjet dhe ka nevojë për pajisje ndihmëse që të ecë për shkak të problemit disavjeçar në ije.Në shumicën e paraqitjeve të fundit publike, ai ka qenë në karrocë, ndërsa tashme po turpërohet për gjendjen e tij.Kjo gjë është konfirmuar nga djali i tij Edinjo.

Ai thote :

Pas një transplanti, ai është i brishtë sa i përket lëvizjes. Kjo i shkakton atij një depresion të caktuar, sepse ai nuk mund të ecë mirë, vihet në siklet, sepse nuk dëshirojnë ta shohin në atë gjendje. Në përgjithësi, duke marrë parasysh moshën, ai po shkon mirë, por ai nuk mund të ecë normalisht. Ai ecën vetëm me ndihmën e një shoqëruesi.

Madje mund të them se është përmirësuar, sepse më parë mund të lëvizte vetëm me karrige me rrota. Ai gjithmonë ka qenë një figurë imponuese, ndërsa sot lufton që të ecë. Kjo e frikëson atë, e vë në siklet. Ai ende ka vështirësi të lëvizë , për këtë arsye ai nuk dëshiron të dalë, të shihet. Praktikisht është gjithmonë në shtëpi dhe jeton pothuajse i tërhequr ”.

 

Leave a Reply

This site uses Akismet to reduce spam. Learn how your comment data is processed.