Dejvi Bregu ishte i ftuari i gazetarit Glend Tafaj në “Zona Gol”, ku sulmuesi i Skënderbeut komentoi formën që po kalon, garën e kampionatit e sigurisht të ardhmen e tij. E nisi me dygolëshin e shënuar në fitoren 3-2 ndaj Teutës.

“Ishte fitore e rëndësishme, ky trepikësh na ndihmon psikologjikisht, tregon vazhdimësinë e ndeshjeve të mira.”

Sakrificë pa Europën: Normalisht na vjen inat, sakrifikojmë, jemi larg shtëpive e familjeve, vijmë këtu për shkak të profesionit, nuk është serioze që na thonë pse luani. E ndiejmë edhe në stadium nga tifozët apo edhe nga kundërshtarët, nuk është korrekte që të ndodhin këto gjëra.

Trajneri Daja: Pa dyshim që është ndër më të mirët e të cilët kam punuar, desha ta falënderoj dhe e ndiej veten që jam rritur nën urdhrat e tij.

E ardhmja: Presidenti më ka thënë se deri në fund të shkurtit do të presim, se nuk i dihet se cila është oferta më e mirë për klubin apo për mua. Më janë thënë disa, por do të zgjedhim më të mirën për klubin dhe për mua.

Skënderbeu, i fortë me të mëdhatë: Në ndeshjet me Tiranën, Partizanin e Kukësin, motivimi është më i madh, se na shohin si inferiorë dhe nuk është e drejtë. Me Jashanicën e Muzakën mund të ishim për vend të parë. Duke parë cilësitë në ekip, stafin teknik, ambientin në klub, ku çdo gjë është perfekte, besoj se Skënderbeu mund të luftonte në të dy fronte. Ky Skënderbe as që e mendon vendin e 8-të, mund të luftojë për Kupën e Shqipërisë.

Vendimi nga Gjykata Federale: Ne përgatitemi 100% për çdo ndeshje, pavarësisht çdo vendimi nga Zvicra. Presidenti na ka thënë që me të po merret klubi e ju duhet të përqendroheni në stërvitje e ndeshje. Nëse do të vijë një vendim që nuk ia uroj kurrë Skënderbeut, do të ishte një disfatë shumë e rëndë për kampionatin shqiptar.

Kombëtarja: Është ëndrra e çdo shqiptari. Kulmin e arrin me veshjen e fanellës kuqezi. Që në hapat e para të karrierës është ëndrra më e madhe. Por këto vendosen nga të tjerë njerëz, koha do të tregojë nëse do ta arrij ta realizoj.

Luftëtari e Flamurtari, të rënë: Keqardhje shumë e madhe, është zemër e ndarë më dysh, duke parë situatën me Flamurtarin e Luftëtarin, që më kanë dhënë shumë e më kanë rritur profesionalisht. E vuaj këtë situatë si të isha vetë në Vlorë apo Gjirokastër.

Gara për titull: Të them të drejtën, kemi luajtur me të tre kryesuesit dhe i kemi dominuar. Tirana këto ndeshje ka shfaqur karakter dhe lojë, Kukësi ka një nga sulmet më të frikshme të kampionatit ku janë 3 shokë të mi dhe Partizani ngelet kampion që nuk besoj se do të heqë kollaj dorë nga gara”.

Cristiano Ronaldo shënoi paraqitjen e tij të 1.000-të profesionale duke shënuar në ndeshjen e Serie A, të cilën Juventusi e fitoi ndaj SPAL-it të shtunën pasdite.Ylli Portugez hapi rezultatin ndaj SPAL-it me një gol në pjesën e parë duke e quar numrin në 725 gola gjatë karrierës së tij.

Ronaldo tani ka luajtur plot 836 në nivel klubesh dhe 164 tjera në skenën ndërkombëtare me Portualinë.Karriera e jashtëzakonshme për pesë herë fituesin e Topit të Artë filloi në Sporting Lisbonën, ku ai bëri 31 paraqitje nga viti 2002 në 2003 para se të transferohej në Manchester United, në moshën 18-vjeçare.

Pas gjashtë vjetësh dhe 292 paraqitjesh në United, Ronaldo u bashkua me Real Madridin në vitin 2009 dhe mbeti atje deri në vitin 2018, kur më pas bëri kalimin e tij te Juventusi.

Siç shihet nga tabela e mëposhtme, Ronaldo me të vërtetë filloi shënimin e golave të shumtë në sezonin 2006-07, kur ai shënoi për herë të parë më shumë se 20 gola në një sezon. Qëndrueshmëria që nga atëherë nuk ka qenë asgjë më pak se fenomenale.

Ndeshjet dhe golat në nivel klubi

Ronaldo është përmirësuar me moshën, veçanërisht në nivelin ndërkombëtar. Pasi ka pasur shifra të luhatshme në 10 sezonet e tij të para me Portugalinë, ai ka shënuar 10 ose më shumë gola në tre nga katër sezonet e fundit.

Ndeshjet dhe golat në nivel ndërkombëtar

Për kë ka shënuar më shumë gola?

Real Madrid ka përfituar më shumë nga forma e pasur e Ronaldos – 450 gola nga 724 golat e tij totale në karrierë janë shënuar për gjigandët spanjollë, për të cilët ai bëri 438 paraqitje – dukshëm më shumë sesa për ndonjë ekip tjetër.

Ai shënoi pesë gola në 31 ndeshjet e tij për Sporting, 118 gola në 292 paraqitje për Manchester Unitedin, 99 gola në 164 për Portugalinë dhe aktualisht është në 53 gola në 72 për Juventusin.

Kundër cilës skuadër ka shënuar më shumë gola?

Nga 724 golat e tij gjatë karrierës, 27 gola kanë ardhur kundër Sevillas, i cili është kundërshtari i tij i preferuar.Klubi anglez që ai ka shënuar më shumë kundër tyre në të gjitha garat është Tottenham Hotspur me 10 gola.

Het-triku i tij i parë në karrierë ishte për Manchester Unitedin kundër Newcastle në një fitore 6-0 më 12 janar të vitit 2008.

Ai ka vazhduar të shënojë plot 55 het-trik, por çuditërisht ndaj Newcastle ishte hera e parë dhe e vetme e CR7 që shënoi tri gola për Unitedin.

Het-triku i tij i fundit erdhi kundër Cagliarit në fitoren 4-0 të Juventusit më 6 janar të këtij viti.

Ndeshja e 1.000 … apo jo?

Ka një vërejtje të vogël në rekordin e paraqitjeve të Ronaldos.

Dy nga 999 ndeshjet e tij të deritashme ishin me Sporting B, skuadra tyre rezervë. E para nga ata në të vërtetë erdhi pas debutimit të tij për ekipin e parë.

Por, duke pasur parasysh që Ronaldo nuk shënoi në asnjë nga ato dy paraqitje dhe heqja e tyre do të nënkuptonte se ai në të vërtetë do të bënte ndeshjen e tij të 1000-të kundër rivalëve të Juventusit, Interit, fundjavën e ardhshme, mbase vetë sulmuesi do të preferonte që ato të mos llogariten.

Ai është një lojtar për ndeshje të mëdha në fund të fundit…

Momentet historike

Kur Ronaldo më në fund vendos të dalë në pension, ai do të jetë në gjendje të shikojë prapa në shumë momente të lumtura nga karriera e tij.

BBC ka bërë një përmbledhje rreth shumë momenteve historike të Ronaldos, ndërsa Telegrafi ua sjell më poshtë:

Ndeshja e parë – debutimi i tij i Sporting

Sporting Lisbon 0-0 Inter – 14 gusht 2002

Ndeshja e 34-të – bën debutimin e tij te Manchester Unitedi

Manchester United 4-0 Bolton Wanderers – 16 gusht 2003

Ndeshja e 80-të – fiton trofeun e parë të madh si lojtar

Manchester United 3-0 Millwall – 22 maj 2004

Ndeshja e 83-të – goli i parë ndërkombëtar

Portugalia 1-2 Greqi – 12 qershor 2004

Ndeshja e 303-të – het-triku i parë në karrierë

Manchester United 6-0 Newcastle – 12 janar 2008

Ndeshja e 393-të – goli i parë me Real Madridin

Real Madrid 3-2 Deportivo La Coruna – 29 gusht 2009

Ndeshja e 518-të – 100 gola me Realin

Lyon 0-2 Real Madrid – 2 nëntor 2011

Ndeshja e 577-të – het-triku i parë në Ligën e Kampionëve

Ajax 1-4 Real Madrid – 3 tetor 2012

Ndeshja e 633-të – het-triku i parë me Portugalinë

Irlanda Veriore 2-4 Portugali – 6 shtator 2013

Ndeshja e 731-të – Ronaldo shënon pesë gola në një ndeshje

Real Madrid 9-1 Granada – 5 prill 2015

Ndeshja e 758-të – thyen rekordin e Raulit te Real Madridi

Real Madrid 3-0 Levante – 17 tetor 2015

Ndeshja e 849-të – bëhet lojtari i parë që shënon 100 gola në Ligën e Kampionëve

Real Madrid 4-2 Bayern Munich – 18 prill 2017

Ndeshja e 901-të – shënon het-trikun e 50-të në karrierë

Real Madrid 6-3 Girona – 18 mars 2018

Ndeshja e 921-të – Ronaldo shënon golin e parë me Juventusin

Juventus 2-1 Sassuolo – 16 shtator 2018

Në fundin e takimit, Koliçi rezultoi heroi i vendësve, duke pritur penalltinë e goditur nga Kallaku në kohën shtesë. Skënderbeu me këtë fitoi shkoi në kuotën 32 pikëve, në vendin e shtatë, ndërsa Teuta mbetet me 35 pikë në vendin e pestë.

Pas fitores 3-2 ndaj “djemve të detit”, Koliçi shtoi se arsyeja e paraqitjes jo të mirë të bardhekuqve në dy fazat e para të sezonit ka qenë koha e shkurtër e përgatitjes së skuadrës për sezonin 2019-2020. Për çelësin e transformimit të Skënderbeut në 2020, Koliçi theksoi se arsyeja është trajneri i skuadrës korçare Ilir Daja, të cilin e konsideron një nga më të mirët në kampionatin shqiptar.

“Shpëtoi Skënderbeun duke pritur penalltinë – Normale që nidhem shumë i lumtur. Normale, vëmendja ishte te penalltia në fund. Me atë pritje shleva dy golat e pësuar.

Sekreti i përmirësimit të Skënderbeut– E dinë të gjithë. Daja është një nga trajnerët më të mirë në Superligë. Normale që meritat i shkojnë atij. Në dy fazat e para, nuk kemi patur kohë të përshtatemi me lojtarët e rinj. Kishim nevojë për kohë”, përfundoi Koliçi.

Ka vend edhe për festë te Skënderbeu 👏

Skënderbeu rikthehet te fitorja pas barazimit 1-1 ndaj Tiranës në kryeqytet.

Trajnerët kanë vendosur edhe për formacionet zyrtare, aty ku bie në sy mungesa e Krasniqit për Skënderbeun.Sulmi është i përbërë nga tredhëmbeshi Gripshi, Bregu, Mensah.Teuta vuan mungesën e L. Vilës,edhe Aleksi konfirmohet mungesa tjeter ne minutat e fundit.

Në prononcimin pas ndeshjes për emisionin “Gol pas Goli”, tekniku Ilir Daja u shpreh:

“Jam i kënaqur për 3 pikëshin dhe për lojën. E filluam goxha mirë. Vuajmë problemin e finalizimit. Nëse jemi më të qetë para portës mund të ruajmë qetësinë për vazhdimësinë. Me kontigjentin që kishim, bëmë më të mirën e mundshëm, përballë ekipit të vendit të 4 që ka bërë mirë. Jemi në gjendje të mirë psikologjike. Dëshira dhe sakrifica e lojtarëve bëri që të shkonim te fitorja.

Mungesa e Krasniqit – Sot Mensah ishte hera e parë që prezantohej në një ndeshje kampionati. Është lojtar i ri, duhet të përmirësojë teknikën e goditjes. I vuri në presion mbrojtësit e Teutës. Doli përpara portës pavarësisht se nuk arriti të shënonte.

Tranzicioni negativ – Kishim problem humbjen e topit në hapësira të medhaja. Ekipi duhet të fitojë gjerësinë dhe thellësinë. Për vonesa të lojtarëve nuk u realizuar tranzicioni negativ. Ne e dinim që Teuta është ekip i fortë në goditje standarte. Kemi punuar për të mbuluar pikat e forta që sot rezultuan pozitive. Koha e linjës së mbrojtës ka qenë e mirë.

Humbi penallti në fund, Martini: Sikur po e ndieja diçka, isha pak i trembur

Martini (Teuta): “Jam i shqetësuar për mënyrën sesi kemi pësuar golat. Por në tërësi ekipi ka luajtur mirë dhe ne meritonim barazimin. Ky është futbolli. Këto janë momente që ne duhet t’i përballojmë dhe më vjen keq që nuk kemi marrë barazimin. Teuta ka bërë një ndeshje të mirë, duke parë edhe mungesat që kishim. U dënuam shumë shpejt falë edhe kualiteteve të kundërshtarit. Penalltia në minutat e fundit, isha i trembur dhe sikur po e ndieja diçka. Kemi bërë ndeshje të mira në Tiranë dhe Korçë, por nuk kemi marrë rezultatet e duhura”.

Skënderbeu ka arritur të fitojë me rezultatin 3-2 ndaj Teutës, në ndeshjen që sapo është mbyllur. Një ndeshje spektakolare është zhvilluar në Korçë, mes Skënderbeut dhe Teutës. Vendasit kanë mundur durrsakët me rezultatin 3-2, në një takim që pati: 5 gola, emocione dhe kartona.

Tre herë kanë kaluar në avantazh korçarët, ndërsa ka pasur gola dhe spektakël. Bregu kaloi fillimisht në avantazh me kokë vendasit, por Kallaku solli menjëherë barazimin.Dita do të gjente avantazhin para mbylljes së pjesës së parë nëpërmjet një 11-metërshi, por në minutën e 49, ishte Cyrbja që riktheu edhe njëherë ekuilibrat e takimit. Shumë gola në Korçë dhe sërish Bregu në minutën e 74 riktheu avantazhin. Kur pritej që kjo të ishte fundi i një drame të luajtur, portieri Koliçi ka pritur një penallti në minutë të fundit. Skënderbeu rikthehet te fitorja pas barazimit 1-1 ndaj Tiranës në kryeqytet.

FT| Skënderbeu-Teuta 3-2

(Bregu 19′, Dita 45+1′ (p), Bregu 74′ / Kallaku 25′, Çyrbja 50′)

Mbyllet ndeshja!

90+2′ Penallti e humbur. Rast i artë për Kallakun, i cili ndalet nga Koliçi nga 11 metrat. Pollozhani ishte ai që shkaktoi penallti dhe u ndëshkua me të kuq.

82′ Kallaku provon nga goditja e dënimit, por topi ndalet në murin mbrojtës.

78′ Mensah del nga fusha, Krasniqi në lojë, Daja kryen zëvendësimin e dytë.

74′ GOOOLLL Bregu. Bregu gjen sërish rrugën e rrjetës. Një goditje e saktë me të majtën i jep avantazhin Skënderbeut.

69′ Rasti i mirë për Skënderbeun, Bregu pret pasimin në pozicion të favorshëm brenda zonës nga Asjon Daja, por gabon me goditjen e tij.

61′ Mensah lëviz bukur brenda zone, pason te Bregu që godet fortë, pormbi traun e portës.

60′ Skënderbeu qëndron në sulm, shton forcat, por pa gjetur golin.

56′ Rasti i artë për Mensah, i cili kalon portierin dhe nuk arrin dot të shënoj. Rast i pafalshëm për vendasit.

50′ GOOOLLL ! Çyrbja gjen rrugën e rrjetës. Edhe pse Koliçi e preku topin, nuk mund të shmangte golin, pas goditjes së mesfushorit brenda zonës.

Bregu 19′, Dita 45+1’/ Kallaku 25’

46′ Nis pjesa e dytë.

Mbyllet pjesa e parë.

45+1′ GOOOLL Dita! Nuk gabon nga pika e bardhë e penalltisë kapiteni, që nuk fal Teutën dhe kalon sërish në avantazh vendasit.

43′ Prekje me dorë e Eni Imamit, goditje dënimi për Teutën, ekzekutohet nga Avdyli, por korçarët largojnë në goditje këndi. Avdyli krosoi sërish, por këtë herë, pati drithërima për korçarët.

39′ Lëvizje tepër e bukur e Bregut, që driblon Todorovskin, godet nga shumë pranë, por e ndal Frashëri

36′ Krosim shumë i fortë, Dita, Bregu dhe Mensah nuk arritën dot topin, rast i shpërdoruar për korçarët.

34′ Gomes pason tek Avdyli, ai kroson në zonë, topi mbërrin te Beqja që godet keq, pasi topi shkon shumë larg kuadratit.

31’ Gripshi tenton me një goditje në hyrje të zonës, por devijohet nga kundërshtarët.

25′ GOOLLL. Kallaku gjen rrugën e rrjetës, lojtari i durrsakëve me kokë barazon menjëherë shifrat. Pas pritjes së Koliçit, Kallaku me kokë nuk fal.

19′ GOOOLL Bregu! Zhbllokohet sfida. Dejvi Bregu kalon në avantazh vendasit.Gripshi kroson nga e majta dhe vlonjati nuk fal para portës.

10′ Mensah tenton jashtë zone, por goditja e tij shkon jashtë kuadradit.

8′ Skënderbeu e ka nisur ndeshjen me ritëm, por ende nuk ka ndonjë rast klasik.

2′ Gripshi kërkon të godasë brenda zone, por bllokohet nga durrsakët.

Starton sfida !

Formacionet zyrtare:

Skënderbeu: Koliçi, Meksi, Pollozhani, Pëllumbi, Imami, Dita, Daja, Taipi, Gripshi, Bregu, Mensah. Trajner: Ilir Daja

Teuta: Frashëri, Todorovski, Hoxha, Herljic, Kuros, E. Vila, Avdyli, Kallaku, F. Beqja, Çyrbja, Gomes. Trajner: Edi Martini

Gjyqtar: Enea Jorgji

Klasifikimi pas javes 23

Do të luhet duke nisur nga ora 17:00, ndeshja mes Skënderbeut dhe Teutës, e vlefshme për javën e 23-të të Kategorisë Superiore.Skënderbeu do të kërkojë të rikthehet te fitorja pas barazimit 1-1 ndaj Tiranës në kryeqytet. Ndërkaq Teuta do të vazhdojë më fitoret, pas asaj që mori me Vllazninë javën e shkuar.

Trajnerët kanë vendosur edhe për formacionet zyrtare, aty ku bie në sy mungesa e Krasniqit për Skënderbeun.Sulmi është i përbërë nga tredhëmbeshi Gripshi, Bregu, Mensah.Teuta vuan mungesën e L. Vilës,edhe Aleksi konfirmohet mungesa tjeter ne minutat e fundit.

Formacionet zyrtare:

Skënderbeu: Koliçi, Meksi, Pollozhani, Pëllumbi, Imami, Dita, Daja, Taipi, Gripshi, Bregu, Mensah. Trajner: Ilir Daja

Teuta: Frashëri, Todorovski, Hoxha, Herljic, Kuros, E. Vila, Avdyli, Kallaku, F. Beqja, Çyrbja, Gomes. Trajner: Edi Martini

Bledi Shkëmbi, ish-trajneri i Teutës, ka folur për mikrofonin e “Supersport”, për sfidën mes Skënderbeut dhe Teutës. Shkëmbi është shprehur se është i sigurt që do e drejtoj Skënderbeun në karrierën e tij, ndërsa për sfidën e sotme, ai thotë se të dyja skuadrat janë favorite.

Skënderbeu-Teuta? “Favorite i shikoj të dyja, do të jetë një ndeshje e barabartë dhe do vendoset nga episodet. Skënderbeu do të ketë moral pas barazimit me Tiranën, ndërsa Teuta është më e lirshme pas fitores me Vllazninë”.

Europa? “Teuta duhet të luajë për objektivin që është Eruopa, është në rrugën e duhur dhe i ka të gjitha mundësitë, madje edhe lojtarët”.

Pushimet? “Pushimet po i shjoj në maksimum, po shijon çdo ditë me govat e mia. Ndoshta jam i kënaqur që erdhi ky pushim. Nuk kam asnjë ofertë dhe nuk kam bërë asnjë bisedë me asnjë ekip”.

Stadiumi bosh? “Të vjen gjynah që ky ekip dhe qytet të mos ketë tifozë. Do kisha dëshirë të kishte mbështetje siç ka pasur më para. Tifozët duhen më shumë në momentet e vështira. Jam i bindur që një ditë do e drejtoj Skënderbeun”.

FT| KUKËSI – TIRANA 1-2

Vangjeli 52′ (autogol) / Batha 85′, Torasa 88′

Tirana përmbys Kukësin në “Air Albania” brenda tri minutave të çmendura, duke fituar një përballje direkte për titull (1-2), që deri 6 minuta para përfundimit të kohës së rregullt e kishte të humbur. Të tre golat e takimit, në fakt, u shënuan nga bardheblutë, teksa perla e Idriz Bathës dhe goli i Torasës e bënë të pavlefshëm autogolin e Vangjelit. Një sukses u pabesueshëm dhe i arritur ndoshta në mënyrën e duhur para derbit të kryeqytetit, që premton të tjera shkëndija fundjavën e ardhshme.

Pjesa e parë ishte e pasur me raste nga të dyja skuadrat, por gjithsesi përfundoi me rrjeta të paprekura. Portieri i Kukësit, Xhika, shfaqet vendimtar me pritjet e tij në të paktën në tri raste: në tentativën e Muçit nga distanca, goditjen e lirë të Bathës, tentativën nga afër të Kobinah.

Nga ana tjetër, Vasil Shkurtajt iu anulua një gol pasi më parë kishte shkaktuar ndërhyrje të parregullt, ndërsa Rroca humb një mundësi të artë nga vija e 16 metrave në përfundim të këtij fraksioni, teksa goditja e tij, përfundoi ngjitur me shtyllën.

Edhe pjesa e dytë nis me të njëjtin vrull, derisa në minutën e 52-të Vangjeli, në tentativë për të shmangur rrezikun devijoi në portën e tij pasimin e Mustës, që kishte për destinacion Shkurtajn.

U duk se Kukësi, me cilinë që ka në përbërnje, e hipotekoi suksesin, por gjithçka ndryshoi pas ndëshkimit të Teqjes me kartonin e dytë të verdhë e rrjedhimisht me të kuqi, në minutën e 84-t.

Pikërisht nga ndërhyrja e gabuar e Tejqes përfitoi Batha, që ekzekutoi në mënyrë perfekte goditjen e lirë, me topin që përfundoi në trekëndësh, aty ku nuk mund ta arrinte Xhika, 1-1.

Shpërthen në festë stoli i Tiranës dhe tribuna ku ishin akomoduar tifozët bardheblu, për më e mira për 24 herë kampionët e Shqipërisë do të vinte vetëm tri minuta më vonë, kur Torasa shtyu me lehtësi në rrjetë pasimin e Kobinah, që ka meritën kryesore në këtë gol, pasi vallëzoi në fundore duke kaluar disa mbrojtës të Kukësit.

Në minutat në vazhdim Tirana, në superioritet numerik arriti ta ruante epërsinë, duke siguruar një fitore të madhe, që e ngjit në vendin e parë me 44 pikë, dy më shumë se Kukësi.

Skënderbeu do të luajë një ndeshje tëpër të vështirë ndaj Teutës në shtëpi, ditën e nesërme. Ekipi korçar do të kërkojë fitoren në këtë takim. Trajneri Ilir Daja, ka dalë në konferencë për shtyp përpara kësaj sfide, teksa ka folur për gjykimin në përballjen me Tiranën, sfidën delikate me Teutën dhe jo vetëm.

Gjykimi? “Arbitrimi nuk ka qenë në favor të së drejtës së lojës. Kërkojmë që arbitrat të jenë korrektë”.

Teuta? “Vijnë pas një fitoreje me tre gola me Vllazninë dhe kanë një gjendje psikologjike të mirë. Kemi pasur dy përballje, që njërën e kemi fituar ne dhe tjetrën e kemi humbur. Kjo tregon se do të jetë një përballje e vështirë. Nesër duhet të bëjmë mirë në drejtim të finalizimit, në mënyrë që të futemi në fushë vetëm për fitore”.

Dëmtimet? “Dëmtimet e Ndeki dhe Elezit apo problemet që kanë 2-3 lojtarë të tjerë janë shqetësimet që kemi. Shpresojmë që nesër të gjithë ata që do ta nisin nga fillimi do të japin më të mirën e tyre për të marrë fitoren.”

Bregu dhe Jashanica? “Drejtuesit po punojnë që Bregu të kalojë në një kampionat jashtë Shqipërisë, pasi në qershor i përfundon kontrata. Shpresojmë ta kemi sa më gjatë, për kualitetin që ka. Ai na ndihmon dhe mendoj se do ta kemi edhe për disa javë të tjera në skuadër tonë.
Jashanica? Do jetë i gatshëm për ndeshjen e radhës me Vllazninë”.

Trajneri i Olympique Lyonnais, Rudi Garcia bëri shaka duke thënë se shpreson që Cristiano Ronaldo të ndalet në kufi, ndërsa pret një Juventus të vendosur për të pasur sukses.

Lyoni pret Juventusin pas një sezoni të trazuar në Ligue 1.

Ish-trajneri i Romës, Garcia duhet të përgatitet për ndeshjen kundër Zonjës së Vjetër pa yllin e ekipit Memphis Depay.

“Kjo është një mundësi e shkëlqyeshme për Lyon tim. Nëse e kalojmë këtë do të ishte një arritje e shkëlqyeshme. Sidomos pa Depay, që është Ronaldo ynë. Imagjinoni Juven pa CR7.

“Si ta ndalojmë Ronaldon? Ai duhet të ndalet në kufi”, thotë ai me shaka, duke shtuar se është e vështirë ta ndalësh fazën e sulmit të Juves.

“Do t’u tregoj të gjithëve se është një sfidë, një betejë e vërtetë. Ky duhet të jetë motivimi ynë”, ka thënë ai.

Skënderbeu dhe rivalët e titullit, gjithçka kaloi në skanerin e legjendës së futbollit korçar, Teodor Vaso. Në një deklaratë të dhënë për “Panorama Sport” ish-futbollisti i Kombëtares dhe Skënderbeut ka bërë një analizë të plotë të sezonit, duke u ndalur te ndryshimet e Skënderbeut në këtë pjesë të dytë të kampionatit dhe më pas te pretendimet e 3 ekipeve për titullin kampion.

Vaso theksoi se ndeshja e fundit e Skënderbeut në transfertë përballë Tiranës tregoi fytyrën e vërtetë të korçarëve në këtë sezon. “Ndeshja e fundit e Skënderbeut në kampionat ka qenë me të vërtetë një ndeshje që korçarët kanë treguar vlera. Mund të them se nga mënyra në të cilën është interpretuar në fushë ky takim është një ndeshje e cila është fituar nga ana e trajnerit Ilir Daja në raport me kundërshtarin. Një ndeshje e llogaritur deri në perfeksion nga ana e teknikut të bardhekuqve, që ka nxjerrë në pah pikat e dobëta të kundërshtarit dhe në bazë të tyre organizoi manovrën e Skënderbeut.

Por, edhe evidentimi i pikave të forta ishte një çelës suksesi për korçarët. Daja nga ana e tij kishte kuptuar se Torasa është pika e ndërtimit te Tirana dhe me shumë zgjuarsi kishte vendosur markim të rreptë ndaj tij. Merita i takon edhe Elezit që ka minimizuar aftësitë e argjentinasit duke e nxjerrë jashtë loje. Këtu mendoj se Ilir Daja ka fituar takimin me bardheblutë pavarësisht rezultatit final”, theksoi fillimisht Teodor Vaso.

Skënderbeu i 2020-ës – Më pas ikona e klubit korçar është ndalur edhe te tjetërsimi i Skënderbeut në pjesën e dytë të sezonit. Vaso mendon se koha në dispozicion e lojtarëve për të kuptuar filozofinë e Dajës ka qenë e mjaftueshme dhe tashmë rezultatet flasin vetë. “Skënderbeu në këtë vit po paraqitet një ekip ndryshe nga ai i gjysmës së parë të sezonit. Futbollistët kanë pasur nevojë për kohë për të vjelë rendimentin maksimal, pasi edhe mungesa e fazës përgatitore në fillim të sezonit ndikoi tek ta.

Pas gjithë këtyre muajve lojtarët kanë kuptuar filozofinë e trajnerit dhe gradualisht loja e tyre erdhi në rritje. Mbi të gjitha, ajo që unë shoh pozitive është mentaliteti që trajneri Daja u ka përcjellë lojtarëve, një tip të ngjashëm me futbollin total duke krijuar një harmoni të plotë në ekip, por edhe përqasjen e duhur në lojë të skuadrës”, vijoi Vaso.

GARA PËR TITULL – Edhe pse jemi në kulmin e kampionatit, gati në mesin e fazës së tretë, Teodor Vaso nuk shikon një ekip që të diktojë si në lojë dhe rezultate. Pavarësisht se mendon që Kukësi është më pranë titullit dhe Tirana e kërkon me shumë ambicie, kampionatit i mungon një udhëheqës. “Duhet të cilësoj se kampionati në këto momente nuk e ka një ekip që të diktojë sikundër bënte Skënderbeu i para disa viteve. Nuk kemi një ekip pretendent, por 3-4 skuadra që kërkojnë të arrijnë te titulli, pavarësisht se nuk po bëjnë diferencën me të tjerët.

Të tria ekipet: Kukësi, Tirana dhe Partizani, duke shtuar edhe Teutën apo Laçin, në varësi të ecurisë, kërkojnë kreun, por askush nuk dikton. Po të shohim lojën, Kukësi duket më i kompletuar dhe më i gatshëm për titullin edhe për shkak të individëve. Partizani ka kurorën e titullit dhe kjo e mban aty në radhët e pretendentëve, megjithëse ndryshimet e shumta dhe ndërrimi i trajnerit janë minus për ta. Ndërsa Tirana duket që e kërkon me ambicie titullin, por të shohim se kush do të vijojë deri në fund”, përfundoi Vaso për “Panorama Sport”.

Tashmë lojtari përfundon pezullimin dhe rifiton të drejtën për të luajtur futboll.Ndonëse ka që prej shkurtit të 2018-ës që nuk luan, ne Korcë besojnë te cilësitë e këtij lojtari. Përvoja që ai ka dhe mbi të gjitha fakti që po stërvitet intensivisht, u jep shpresë drejtuesve që një afrim i tij do ta “blindonte” prapavijën.

Skenderbeu ishte nje klub i destinuar të dhurojë kujtime të paharrueshme. Gëzime, befasi, gola emblematikë, zhgënjime dhe lavdi…të cilat nuk kanë munguar në asnjërin prej edicioneve të kampionatit kombetar apo ne europë.Pjesmarja ne fazen ne grupe është skena ku ngjiten yjet më të mëdhenj të këtij sporti keto emocione ne Shqiperi i kane perjetuar duke veshur fanellen e Skenderbeut midis te cilëve eshte dhe mbrojtesi shtatlartë ,Bajram Jashanica.Por futbolli ka prodhuar në të njëjtën kohë përveç shkëlqimit dhe anën e errët të denimeve.

Bajram Jashanica është një luftëtar dhe nuk di të dorëzohet. Jo pak, por dy vite qëndroi jashtë futbollit për përdorimin e substancave të ndaluara.

Kjo pasi mjeku i ekipit i kishte dhënë një medikament pas një dëmtimi, që do të rezultonte i gabuar dhe njëkohësisht fatal për mbrojtësin. Por dy vite kanë kaluar tashmë dhe Bajram Jashanica mund të jetë gati me Skënderbeun që në ndeshjen e fundjavës, atë kundër Teutës.

Ajri i fushës ka nisur të ndihet sërish, ndërsa Jashanica do të shkelë barin për të marrë sërish oksigjenin e munguar. Sigurisht që nëse do të vazhdonte të luante në të njëjtën mënyrë me Skënderbeun dhe nuk do të merrej ai medikamenti, Jashanica do të ishte me një skuadër tjetër europiane, por këtë objektiv do të kërkojë ta arrijë duke e rinisur atje ku e la, te Skënderbeu.

Duke na kujtuar edhe një herë Skenderbeun e disa viteve me parë Jashanicen energjik,shtatlartë dhe duke rikthyer kurorëzimin e një karriere të gjatë me talentit personal.

Per shumë të tjerë mund të jetë testi real per te fituar qetësinë dhe sigurinë për të luajtur sërish futboll.korcablog

Atletico Madridi dhe Liverpooli zhvillojnë ndeshjen e parë të 1/8 së finales në Ligën e Kampionëve.Wanda Metropolitano është arena e duelit ndërmjet klubit spanjoll që e pret kampionin në fuqi të garës më të madhe evropiane për klube.

Nuk ka dyshim qe pritet një përballje interesante dhe e fuqishme ndërmjet dy skuadrave që do të zbresin në fushë.

Trajnerët Diego Simeone dhe Jurgen Klopp i kanë zgjedhur lojtarët më të mirë që i kanë në dispozicion për të përfshirë në formacionet baze.

Formacioni startues i Atletico Madridit: Oblak, Vrsaljko, Felipe, Savic, Lodi, Saul, Thomas Partey, Koke, Lemar, Morata, Correa.

Formacioni startues i Liverpoolit: Alisson, Alexander-Arnold, Gomez, Van Dijk, Robertson, Fabinho, Henderson, Wijnaldum, Salah, Firmino, Mane.

Dejvi Bregu, është një nga pistat më të nxehta të merkatos te Skënderbeu. Shitja e talentit vlonjat do t’i bënte punë klubit,nëse do të siguronte të ardhura të konsiderueshme. Kontrata e Bregut me Skenderbeun skadon në muajin maj, teksa drejtuesit e klubit bardhekuq, nuk duan ta humbasin futbollistin me parametra zero.

Për këtë arsye, presidenti i Skënderbeut, Ardjan Takaj, dhe stafi i tij, janë duke bërë çmos për të mbyllur brenda shkurti shitjen e Bregut.

Burime të sigurta pranë klubit bëjnë me dije se pista ruse për transferimin e lojtarit ka rënë. Oferta që korçarët prisnin nga rusët nuk erdhi asnjëherë dhe për pasojë kalimi ngriu përfundimisht. Ndërkohë së fundmi, në një prononcim për “RTSH”, Bregu shprehet se të ardhmen ia ka lënë në dorë presidentit Takaj:

“Kemi biseduar për situatën time. Ja kam lënë në dorë presidentit. Kemi një raport shumë të mirë dhe besoj se do i japë ai zgjidhje. Nuk mund të jap emra sepse siç e thashë është në dorë të presidencës”, u shpreh Bregu.

Për sa i përket ecurisë të Skënderbeu, 24-vjeçari ka dekluar:

E kemi nisur mirë vitin 2020, përveç rezultateve në këto tre ndeshjet e fundit, duke filluar me Laçin, ku kemi dominuar në lojë, por nuk kemi marrë rezultat. Ajo që kërkohet është vazhdimësia e lojës dhe më pas besoj se rezultatet do të vijnë. Kemi kuptuar gabimet e dy fazave të para dhe kjo ka qenë gjëja më kryesore në këtë ndryshim drastik në këtë vit 2020.

Ndeshja me Teutën është shumë e vështirë. Ata janë një ekip shumë serioz dhe kompakt. Besoj se do të jetë një ndeshje e luftuar nga të dyja palët. Do të hyjmë të mobilizuar dhe të bindur për fitore”, përfundoi ylli i Skënderbeut.

Pas një pritje shumë të gjatë, Liga e Kampionëve është rikthyer me fazën e 1/16 së finales në Ligën e Kampionëve me një emocion tejet të lartë.

Faza e eliminimit direkt fillon sot, e martë, me kampionin aktual Liverpoolin që viziton Atletico Madrid, ndërsa Borussia Dortmundi pret Paris Saint-Germainin para tifozëve të saj të flakët. Të dyja këto ndeshje do të transmetohen ne ora 21:00.

Ndërsa befasia e këtij raundit, Atalanta do ta presë Valencian në San Siro dhe të dy ekipet kanë shansa të barabarta për të kaluar në fazën e çerek finaleve. Në ndeshjen tjetër të ditës së mërkurë, Tottenham Hotspuri i Jose Mourinho pret Rasenball Sport Leipzigun me bomberin Timo Werner në krye të një ndeshje shumë të barabartë.Gjithashtu edhe këto dy ndeshje do të transmetohen të mërkurën me 19 shkurt, ora 21:00.

Rruga për Finalen e Stambollit…!

Gjithashtu, rundi i 32-të i eliminimit direkt në UEFA Ligën e Evropës fillon ditën e enjte, 20 shkurt, me 16 ndeshje të zjarrta që fillojnë në dy orare 18:55 dhe 21:00. Ne këtë rund ka ekipe te njohura si Manchester United, Arsenal, Inter, Porto, Benfica të cilat do të ndeshen për titullin e UEFA Ligës së Europës.