Koronavirusi në Greqi, shkon në 7 numri i të infektuarëve

Janë konfirmuar edhe tre raste me koronavirus në Greqi, duke e çuar numrin e përgjithshëm të të infektuarve në shtatë.Bëhet fjalë për një person në Selanik dhe dy në Athinë. Sipas specialistëve nga të shtatë personat vetëm katër prej tyre kanë qenë në zonat e Italisë së veriut kurse tre të tjerët duket se janë infektuar gjatë kontaktit me ta.

Është karakteristik fakti që dy prej tre rasteve të reja janë infektuar jo nga kontakti i drejtpërdrejtë me personat e ardhur nga Italia , por nga njerëz të tjerë të rrethit familjar të pacientëve apo të kolegëve të tyre të punës.

E thënë ndryshe, sipas specialisëve, kemi tashme të bëjmë në Greqi , me një “shpërndarje “ të brendshme të virusit në fjalë .

Rasti i parë është një grua greke, e infektuar pas një kontakti të ngushtë me pacientin zero. Ajo do të mbahet në izolim në spitalin AHEPA në Selanik.

Raportohet se personi i dytë është një shtetas grek, i cili kishte udhëtuar në një zonë të prekur në Itali. Ai po mbahet në izolim në një spital në Athinë.

Edhe rasti i tretë është gjithashtu një shtetas grek.

Si masë paraprake, Greqia anuloi të gjitha festimet e saj vjetore të karnavaleve që ishin planifikuar për këtë fundjavë.

Pasi u konfirmua Coronavirus COVID-19 në Greqi, banorët nxituan në supermarkete për të blerë ujë, ushqime dhe produkte të tjera.

Leave a Reply

This site uses Akismet to reduce spam. Learn how your comment data is processed.