300 viktima dhe mbi 6700 të infektuar! Danimarka rihap shkollat fillore dhe kopshtet

Teksa numërohen 300 viktima dhe mbi 6700 të infektuar nga koronavirusi, pas një muaji mbylljeje, Danimarka sot ka rihapur çerdhet , kopshtet dhe shkollat fillore.Shkollave u është kërkuar të respektojnë rregulla të caktuara, përfshirë atë të mbajtjes së distancave prej dy metrash midis tavolinave dhe rekreacioni në grupe të vogla.

Mësimet filluan në gjysmën e komunave daneze dhe 35% të instituteve të Kopenhagenit, ndërsa të tjerët kërkuan më shumë kohë për t’u përshtatur me masat në fuqi. Ndersa të gjitha shkollat fillore do të hapen deri më 20 prill.

Rihapja e shkollave është hapi i parë i qeverisë daneze që veproi shpejt përballë përhapjes së pandemisë, duke mbyllur kufijtë që më 14 mars, pasi kishte regjistruar rastet e para të infeksionit dhe vdekjeve.

Mbyllja për restorantet, kafenetë, baret dhe vende të tjera të takimeve publike do të mbetet në fuqi të paktën deri në 10 maj.

Leave a Reply

This site uses Akismet to reduce spam. Learn how your comment data is processed.