COVID-19 GREQI / JA SA RASTE JANE REGJISTRUAR

Autoritetet greke kanë bërë me dije se përsëri vendi ka regjistruar numër rekord të intubuarish 819, prej fillimit të pandemisë, një shifër në rritje në tre ditët e fundit. Po ashtu 104 persona kanë humbur jetën shifër kjo që ka sjellë Greqinë përsëri në nivelet e muajit dhjetor kur ndodhej në kulmin e valës së dytë të pandemisë. Edhe numri i rasteve në 24 orët e fundit është përsëri i lartë mbi 3830.

Ditët e fundit përveç presionit që përballon sistemi spitalor në Athinë, vërehet se edhe në Selanik numri i të shtruarve në spitale dhe në dhomat e terapisë intensive po rritet jashtëzakonisht duke shkuar pranë gjendjes alarmante të nëntorit dhe dhjetorit të kaluar. 

Opozita greke akuzon qeverinë për menaxhimin e pandemisë si dhe për mungesën e dëshirës për të përforcuar sistemin publik të shëndetësisë. Nga ana e saj qeveria thotë se me rritjen e numrit të vaksinimeve dhe të self-testeve falas që fillojnë të aplikohen prej së hënës edhe në sektorin privat do të fillojë rënia e numrit të rasteve dhe të viktimave që tashmë ka shkuar në9239.

Leave a Reply

This site uses Akismet to reduce spam. Learn how your comment data is processed.