Anxhela Peristeri me shqiponjë dykrenare, mediat serbe:”Simboli i Shqipërisë së Madhe, provokim i turpshëm”

Këngëtarja Anxhela Peristeri do të përfaqësojë Shqipërinë në Eurovision këtë vit dhe në një dalje para mediave në Rotterdam rreth 1 javë më parë, bëri simbolin e shqiponjës.

Veprimi i saj nxiti reagimin e mediave serbe që e kanë quajtur skandal dhe provokim.


“Skandal në Eurovision: Simboli i Shqipërisë së Madhe, një provokim i turpshëm para gazetarëve”- ishte titulli i “Novosti”.

Në artikullin e publikuar nga media serbe shkruhet se “në prag të mbajtjes së natës gjysmëfinale të ‘Eurovisionit’ ndodhi një skandal. Përfaqësuesja e Shqipërisë, Angela Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare”. Ju kujtojmë se Eurovision në parim ndalon promovimin politik në veprimtarinë e saj. Ajo publikoi foto me të njëjtën temë një javë më parë.”

Shqipëria është renditur e 11-ta në listën e shteteve që garojnë natën e dytë të “Eurovision”, ndërsa Anxhela do të paraqitet me këngën “Karma”.

Leave a Reply

This site uses Akismet to reduce spam. Learn how your comment data is processed.