Ashtu edhe siç kreu i qeverisë Edi Rama paralajmëroi, të hënën në zonat bregdetare Policia e Shtetit pritet që të mbështesë veprimet e Inspektoriatit Kombëtar të Mbrojtjes së Territorit për shembjen e ndërtimeve pa leje, por edhe procedimin e personave që kanë shkelur ligjin.
Në lancimin e operacionit “Bregdeti ynë”, Rama i bëri apel atyre që kanë ndërtuar pa leje t’i shembin vetë që mos përballen me Kodin Penal, por sipas të dhënave nga terreni reagimi ka qenë i pakët.
