Policia bën namin në Korçë/ Përgjatë 1 jave gjobit 647 shoferë, 9 prej tyre iu heq patentën

Policia Rrugore ka vijuar kontrollet për evidentimin dhe ndëshkimin e shkelësve të Kodit Rrugor, me rritjen e parametrave të sigurisë rrugore. Gjatë javës që lamë pas, nga këto struktura janë arrestuar në flagrancë 3 shtetas për veprat penale “Shkelja e rregullave të qarkullimit rrugor”, “Drejtimi i automjeteve në mënyrë të parregullt” dhe u referuan materialet në Prokurori e filloi procedimi penal për 2 të tjerë.

Janë proceduar administrativisht gjithsej 647 drejtues mjetesh📝

4 drejtues mjetesh janë proceduar administrativisht për shpejtësi mbi normat e lejuara dhe 4 masa për përdorim të pijeve alkoolike gjatë drejtimit të mjetit.

19 drejtues mjetesh janë proceduar administrativisht për mosvendosjen e rripit të sigurimit dhe 2 për përdorim të celularit gjatë drejtimit të mjetit.

Janë vendosur 158 masa administrative për qendrim të gabuar.

Janë tërhequr gjithsej 9 leje drejtimi për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.

Janë vendosur 447 masa administrative për shkelje të tjera, të ndryshme.

Sektori i Policisë Rrugore në DVP Korçë do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e ngjarjeve rrugore. Për_më_shumë_siguri_rrugore👮🚓

Leave a Reply

This site uses Akismet to reduce spam. Learn how your comment data is processed.